రాష్ట్రీయం
రూ.100 కోట్లు గోల్‌మాల్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 12: ఈఎస్‌ఏ ఆసుపత్రి మందుల కుంభకోణం వ్యవహారం ఉభయ తెలుగు రాష్ట్రాల్లో కలకలం రేపుతోంది. డైరెక్టర్ హోదాలో ఉన్న వ్యక్తి కోట్ల రూపాయల విలువ చేసే కుంభకోణంలో ప్రధాన పాత్రధారి కాగా, పలువురు కిందిస్థాయి ఉద్యోగులు కూడా ఈ పాపంలో పాలుపంచుకున్నారు. మందుల కొనుగోలులో నకిలీ బిల్లులు సృష్టించి కోట్లు దండుకున్నారు ఈ కేసుకు సంబంధించిన నిందితులు. ఈ కేసును ఎంతో ప్రతిష్టాత్మకంగా భావించిన ఏసీబీ అధికారులు అన్ని కోణాల్లో విచారిస్తున్నారు. ఇప్పటివరకు ఏసీబీ 16 మందిపై కేసు నమోదు చేసిన విషయం విదితమే. ఇదిలా ఉండగా ఈ కుంభకోణంలో కొత్త కోణం వెలుగులోకి వచ్చింది. కేంద్ర ప్రభుత్వం విడుదల చేసిన రూ.100 కోట్లు కూడా గల్లంతైనట్టు గుర్తించారు. కార్మికుల సంక్షేమం కోసం కేంద్ర ప్రభుత్వం ప్రతి సంవత్సరం పెద్ద మొత్తంలో నిధులు మంజూరు చేస్తుంది. రూ.100 కోట్లకు సంబంధించి స్పష్టమైన వివరాలు లేకపోవడంతో వీటిని కూడా స్వాహా చేసి ఉంటారని అనుమానిస్తున్నారు అధికారులు. వంద కోట్ల రూపాయల గోల్‌మాల్‌పై కేంద్ర కార్మిక శాఖ ఆరా తీస్తుండడమే అందుకు నిదర్శనంగా భావించొచ్చు. ఈ కేసుకు సంబంధించి ఏసీబీ అధికారులు నిందితులను తమ కస్టడీకి తీసుకుని విడివిడిగా విచారించి స్టేట్‌మెంట్‌ను రికార్డు చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.