రాష్ట్రీయం
గంగానది ప్రక్షాళన పోరాటానికి బాసట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 12: గంగా నది ప్రక్షాళన పోరాటానికి బాసటగా నిలుస్తానని జనసేన అధినేత పవన్‌కళ్యాణ్ పేర్కొన్నారు. హరిద్వార్ పర్యటనలో ఉన్న పవన్ అక్కడ సదన్ ఆశ్రమంలో జరిగిన జీడీ అగర్వాల్ సంస్మరణ సభలో మాట్లాడారు. ప్రకృతిని పరిరక్షించాలని తపన పడే జీడీ అగర్వాల్ ఎంతో మహానీయుడని ఆయనను కోల్పోవడం జాతి దురదృష్టమని చెప్పారు. గంగానదిని స్వేచ్ఛగా ప్రవహించనివ్వాలని, గంగానదిలోకి కాలుష్యం చేరకుండా నియంత్రించాలని అగర్వాల్ ఎంతో తపన పడ్డారని పేర్కొన్నారు.
గంగా నది ఉత్తర భారతానికో, మరో ప్రాంతానికో చెందినదే కాదని, యావత్భారతదేశానికి సంబంధించిందని అన్నారు. మనకు అన్నీ ఇచ్చే ప్రకృతిని కాపాడేందుకు ఆత్మత్యాగం చేసిన అగర్వాల్ స్ఫూర్తితో గంగానది పరిరక్షించుకోవడం ప్రాధమిక హక్కు అని భావిస్తున్నట్టు చెప్పారు. దేశంలో రాజకీయాలు ఎన్ని ఉన్నా ఎందరు రాజకీయ నాయకులు ఉన్నా దేశ సాంస్కృతిక వైభవాన్ని ఎవరూ ధ్వంసం చేయలేరని పవన్ పేర్కొన్నారు.
తెలుగు రాష్ట్రాల్లోని నదులు సైతం కలుషితం అయ్యాయని పవన్‌కళ్యాణ్ పేర్కొన్నారు. హరిద్వార్ యాత్రి ఆశ్రమంలో కాలుష్యంపై జరిగిన సమావేశీంలో ఆయన మాట్లాడారు. దేశంలో అన్ని నదులకూ కాలుష్యం ముప్పు పట్టుకుందని, తెలుగు రాష్ట్రాల్లోని కృష్ణ, గోదావరి, తుంగభద్ర మొదలైన నదులన్నీ పూర్తిగా కలుషితం అవుతున్నాయని అన్నారు. పరిశ్రమలు, గృహాల నుండి వచ్చే వ్యర్థాలను నేరుగా నదుల్లో కలిపేస్తున్నారని , తద్వారా పర్యావరణ సమతుల్యత గణనీయంగా నాశనం చేస్తున్నారని ఆరోపించారు.
దేశంలో సహజ వనరులు కలుషితం అవుతున్నాయని, ఆంధ్రాలో విశాఖ నగరానికి వచ్చే పదేళ్లలో తాగునీటి ఎద్దడి తీవ్రరూపాన్ని దాల్చబోతోందని , అక్కడ నీటిబొట్టు లభ్యమయ్యే పరిస్థితి గణనీయంగా పడిపోతోందని పవన్‌కళ్యాణ్ ఆందోళన వ్యక్తం చేశారు. దేశంలోని అన్ని నదులనూ పునరుజ్జీవింప చేస్తేనే ప్రజల దాహార్తిని తీర్చగలుగుతామని అన్నారు. ప్రజాసమస్యలపై ప్రభుత్వాలతో పోరాడటం చాలా కష్టమైన పని అన్నారు. పాలకులు హృదయం లేని వారని, వారికి తర్వాతి ఎన్నికల్లో అధికారమే పరమావధిగా మారిందని, హృదయం లేని ప్రభుత్వాలతో పోరాడటం చాలా కష్టమని పవన్ అన్నారు. నదుల ప్రక్షాళన కోసం, గంగానది ప్రక్షాళనకు స్థిరచిత్తంతో తాను పనిచేస్తానని చెప్పారు. ఈ సమావేశంలో పవన్‌కళ్యాణ్‌తో ఆశ్రమ గురువు శివానంద మహరాజ్, వాటర్‌మ్యాన్ రాజేంద్ర సింగ్, ప్రొఫెసర్ విక్రమ్ సోనీ పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.