రాష్ట్రీయం
తెలంగాణలో టీడీపీ జెండా రెపరెపలాడాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్,సెప్టెంబర్ 14: తెలంగాణలో తెలుగుదేశం పార్టీని బలోపేతం చేస్తానని ఏపీ మాజీ సీఎం చంద్రబాబునాయుడు స్పష్టం చేశారు. శనివారం హైదరాబాద్ ఎన్టీఆర్ ట్రస్టు భవన్‌లో ఆయన మీడియా సమావేశంలో మాట్లాడుతూ తెలుగుదేశం తెలంగాణలో పుట్టిందన్నారు. తెలంగాణలో టీడీపీ బలపడడం చారిత్రాత్మకం కావాలన్నారు. టీడీపీ ఎన్నో సంక్షోభాలు, సవాళ్లను ఎదుర్కొన్న పార్టీగా ఆయన గుర్తు చేశారు. తెలంగాణలో కొంతమంది స్వార్థపరులు పార్టీని వీడివెళ్లినా నష్టం లేదన్నారు. ఒక నాయకుడుపోతే వందమంది నాయకులను తయారు చేస్తానన్నారు. పార్టీ నుంచి వెళ్లిన నేతలు మళ్లీ పార్టీలో రావాలని ఆయన పిలుపునిచ్చారు. కేసుల నుంచి భయపడాల్సిన అవసరం లేదని, వారికి అండగా నిలబడతానని ఆయన భరోసా ఇచ్చారు. త్వరలో పార్లమెంట్ పార్టీ వారీగా సమీక్షలు చేపడుతున్నట్లు చెప్పారు. పార్టీ సమీక్షలు తర్వాత రాష్ట్ర కమిటీలు వేస్తానని కేడర్‌కు సూచించారు. తెలంగాణలో టీడీపీ జెండాలు రెపరెపలాడాలని కేడర్‌కు ఆయన హితబోధ చేశారు. ప్రతి శనివారం పార్టీ కార్యాలయంలో అందరికీ అందుబాటులో ఉంటానన్నారు. హైదరాబాద్‌తో పాటు అన్ని ముఖ్యమైన భవంతులను తన హయాంలోనే జరిగాయన్నారు. ఐటీ రావడానికి తన కృషి అంటూ పార్టీ నేతలకు సూచించారు. తెలంగాణ, ఆంధ్రాలో జరిగిన అసెంబ్లీ, పార్లమెంట్ ఎన్నికల తర్వాత చంద్రబాబు హైదరాబాద్ కేంద్ర పార్టీ కార్యాలయానికి చేరుకున్నారు. సుమారు 9 నెలలు అనంతరం పార్టీ కార్యాలయానికి చంద్రబాబు వచ్చారు.
*చిత్రం...ఎన్టీఆర్ ట్రస్ట్ భవన్‌లో శనివారం పార్టీ తెలంగాణ నేతలతో సమావేశమైన చంద్రబాబు నాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.