రాష్ట్రీయం
రాజధానిపై సీఎం వైఖరి స్పష్టం చేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, ఆగస్టు 23: గత ప్రభుత్వ హయాంలో రాజధాని అమరావతికి మూడు పంటలు పండే భూములు ఇచ్చిన రైతులు తాజాగా మంత్రులు చేస్తున్న వ్యాఖ్యలతో ఆందోళనకు గురవుతున్నారని, రాజధాని విషయంపై ముఖ్యమంత్రి జగన్మోహనరెడ్డి తమ వైఖరి స్పష్టం చేయాలని భారతీయ జనతా పార్టీ రాష్ట్ర అధ్యక్షుడు కన్నా లక్ష్మీనారాయణ డిమాండ్ చేశారు. వైసీపీ ప్రభుత్వం చెప్పే మాటలకు చేసే పనులకు పొంతన ఉండటం లేదని విమర్శించారు. గతంలో రాజధాని అమరావతికి జగన్ అంగీకరించారని, అయితే వైసీపీ అధికారంలోకి వచ్చాక కొందరి కోసమే ప్రభుత్వం పనిచేస్తున్నట్లు కన్పిస్తోందని ఆరోపించారు. శుక్రవారం టుబాకో బోర్డు చైర్మన్ యడ్లపాటి రఘునాథబాబు ఆధ్వర్యాన రాజధాని పరిధిలోని ఉద్దండరాయునిపాలెం, వెలగపూడి, తుళ్లూరు, వెంకటపాలెం తదితర గ్రామాల రైతులు గుంటూరు నగరంలోని కన్నా స్వగృహానికి చేరుకుని తమ సమస్యలను వివరించారు. మంత్రి బొత్స సత్యనారాయణ చేసిన వ్యాఖ్యలు తమను ఆందోళనకు గురిచేశాయన్నారు. ఈ విషయమై సీఆర్‌డీఏ అధికారులను కలిసినా తమకు స్పష్టత రాలేదని పేర్కొన్నట్లు రైతులు తెలిపారు. రాజధానిని అమరావతి నుండి మార్చకుండా చూడాలని కన్నాకు విజ్ఞప్తిచేశారు. రాజధానికి వరద వస్తుందని తప్పుడు ప్రచారం చేస్తున్నారని, దేశంలో చాలా రాజధానులు నదులు, సముద్రాల పక్కన ఉన్నాయని, నదీ తీరంలో రాజధాని ఉండటం మనకు సానుకూల అంశమని వారు వివరించారు. స్పందించిన కన్నా లక్ష్మీనారాయణ మాట్లాడుతూ అమరావతి రాజధానికి ఇప్పటికే వేలాది కోట్లు ఖర్చయ్యాయని, రాజధాని ఇక్కడ ఉండాలన్నదే తమ భావన అని స్పష్టంచేశారు. రాజధానికి భూములిచ్చిన రైతులకు ఎటువంటి అన్యాయం జరగకుండా బీజేపీ అండగా నిలుస్తుందని, త్వరలోనే రాజధాని ప్రాంతంలో మీతో కలిసి నడుస్తామని కన్నా రైతులకు భరోసా ఇచ్చారు.
అన్ని మతాలను గౌరవించాలి..
తిరుమలలో అన్యమత ప్రచారంపై కన్నా స్పందిస్తూ ప్రజాస్వామ్యంలో అన్ని మతాలను గౌరవించాలని, ప్రభుత్వం ఓ మతాన్ని ప్రముఖంగా ప్రచారం చేయడం సరికాదన్నారు. ఎవరి మత విశ్వాసాలు వారికి ఉంటాయని వాటిని గౌరవించాలని కన్నా సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.