రాష్ట్రీయం
టెన్త్ విద్యార్థి ప్రపంచ రికార్డు
S ,7 à 8 RSCA (si SASPAS) et 6 cialis pharmacie cialis rapports de stage.
చోడవరం, ఆగస్టు 17: విశాఖ జిల్లా చోడవరంలోని ఆడమ్స్ స్కూల్ విద్యార్థి కేతా తేజ ప్రపంచ రికార్డు సృష్టించాడు. రసాయన శాస్త్రంలో ఆవర్తన పట్టిక ఒక క్రమంలో ఒక నిమిషం పది సెకన్లలో పూర్తిచేసి ఈ ఘనతను సాధించాడు. ఏజెన్సీ ప్రాంతమైన జి.మాడుగులకు చెందిన కేతా తేజ పదో తరగతి చదువుతున్నాడు. ఈ విద్యార్థి రసాయన శాస్త్రంలో ఆవర్తన పట్టికను అతితక్కువ సమయంలో వేసి ప్రపంచ రికార్డు సృష్టించాడని ప్రపంచ వండర్ బుక్ ఆఫ్ రికార్డ్స్ ఆంధ్రప్రదేశ్ సమన్వయకర్త రంగారావు ఈ సందర్భంగా ప్రకటించారు. శనివారం స్కూల్‌లో అధికారులు, పుర ప్రముఖులు, మేధావుల సమక్షంలో తేజ ఆవర్తన పట్టికను వేసే క్రమాన్ని చేసి చూపించాడు. గతంలో ఉత్తర ప్రదేశ్‌కు చెందిన తరుణ్ అగర్వాల్ అనే విద్యార్థి ఇటువంటి ఆవర్తన పట్టికను ఒక నిమిషం 29 సెకన్లలో వేసి ప్రపంచ పట్టికను నెలకొల్పగా తాజాగా విద్యార్థి తేజ ఈ రికార్డును మొదటి దఫా ఒక నిమిషం 13 సెకన్లు, రెండోమారు ఒక నిమిషం తొమ్మిది సెకన్లు, మూడవ సారి ఒక నిమిషం ఐదు సెకన్లలో ఆవర్తన పట్టికను వేసి ప్రపంచ రికార్డును సృష్టించాడని రంగారావు ప్రకటించారు. ఈ సందర్భంగా తేజాకు ప్రపంచ రికార్డు ధ్రువపత్రం, బంగారు పతకాన్ని అందజేసారు. విద్యార్థితోపాటు అతని తల్లిదండ్రులను కూడా పలువురు అభినందించారు. కార్యక్రమంలో ఫారెస్టు రేంజ్ అధికారి రాంనరేష్, ఆడమ్స్ స్కూల్ సంచాలకులు బి. వెంకట్రావు, విశ్రాంత అధ్యాపకులు ఎన్. దేముడు మాస్టారు, తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.