రాష్ట్రీయం
తెలంగాణకు జలకళ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ రాష్ట్ర వ్యాప్తంగా కృష్ణా, గోదావరి బేసిన్‌తో పాటు చెరువులు కూడా కళకళలాడుతున్నాయి. జూలై నెలాఖరు నుంచి ఆగస్టు రెండోవారం వరకు కురిసిన భారీ వర్షాలతో చెరువులు నిండకుండలా ఉన్నాయి. రాష్ట్రంలో మొత్తం 43,764 చెరువులు ఉన్నాయి. వీటి మొత్తం నీటి నిల్వసామర్థ్యం 256 టీఎంసీలు. తాజాగా కురిసిన వర్షాల వల్ల 3,589 చెరువుల్లో నీరు పొంగిపొరుతున్నది. దీంతో చెరువు ఆయకట్టు రైతులు హర్షాతి రేకాలు వ్యక్తం చేస్తున్నారు. 6,048 చెరువుల్లో 75 నుంచి 100 శాతం వరకు నీటి ప్రవాహం చేరింది. 3,112 చెరువుల్లో 50 నుంచి 75 శాతం వరకు నీటి నిల్వ ఉంది. 4843 చెరువుల్లో 25 నుంచి 50 శాతం వరకు నీరు వచ్చాయి. 26,172 చెరువుల్లో 25 శాతం వరకు నీటి నిల్వ చేరింది. గోదావరి బేసిన్‌లోని ఆదిలాబాద్, నిజామాబాద్, వరంగల్ జిల్లాల్లో చెరువులు కళకళలాడుతున్నాయి. ఆదిలాబాద్ జిల్లాలోని 2,772 చెరువులకుగాను 1,116 చెరువులు నిండి పొర్లు తున్నాయి. 1,311 చెరువుల్లో దాదాపు 75 శాతం నీరు చేరినట్లు మైనర్ ఇరిగేషన్ అధికారులు చెప్పారు. మిషన్
కాకతీయ 1, 2, 3 దశల కింద చెరువుల పూడిక తీయడం, మరమ్మతు పనులను రాష్ట్రప్రభుత్వం పూర్తి చేసింది. ముఖ్యమంత్రి కేసీఆర్ చెరువుల సంరక్షణకు అధిక ప్రాధాన్యత ఇచ్చిన విషయం విదితమే. దీని వల్ల అదనంగా పది టీఎంసీ నీటి నిల్వ సామర్థ్యం పెరిగింది. చెరువులు నిండడం వల్ల పరిసర ప్రాంతాల్లో భూగర్భ జల లభ్యత కూడా పుష్కలంగా అందుబాటులోకి వచ్చింది. రాష్ట్రం మొత్తం మీద ఆదిలాబాద్, నిజామాబాద్, వరంగల్ జిల్లాల్లో వర్షాల వల్ల చెరువులు నిండాయని, రైతులకు లాభం చేకూరినట్టు మైనర్ ఇరిగేషన్ ఇంజనీర్లు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.