రాష్ట్రీయం
ప్రకాశం బ్యారేజి వద్ద కృష్ణమ్మ పరవళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఆగస్టు 14: ప్రకాశం బ్యారేజీ వద్ద వరద నీటి ఉధృతి కొనసాగుతోంది. పులిచింతల నుంచి వచ్చిన నీరు వచ్చినట్టే నేరుగా సముద్రం వైపు పరుగులు తీస్తోంది. బుధవారం ఉదయం 9 గంటల సమయానికి మొత్తం 70 గేట్లను 9 అడుగుల మేర పైకి ఎత్తి రికార్డు స్థాయిలో నాలుగు లక్షల 65వేల క్యూసెక్కుల నీటిని సముద్రంలోకి వదులుతున్నారు. జిల్లా కలెక్టర్ ఏఎండి ఇంతియాజ్ కృష్ణాజిల్లా నది పరివాహక ప్రాంతంలో ఎప్పటికప్పుడు పరిస్థితిని సమీక్షిస్తూ అధికారులకు తగు ఆదేశాలు జారీ చేస్తున్నారు. కరకట్ట దిగువనున్న అక్రమ నిర్మాణాలన్నీ వరద ముంపునకు గురైనాయి. మాజీ ముఖ్యమంత్రి చంద్రబాబు నివాసం వద్ద వరద నీటి ప్రవాహం క్షణ క్షణం పెరుగుతోంది. అధికారులు ముందుజాగ్రత్తగా బాబు నివాసం వద్ద ఇసుక బస్తాలు సిద్ధం చేశారు. చంద్రబాబు ప్రస్తుతం హైదరాబాద్‌లో ఉన్నారు. ఆయన కాన్వాయ్‌ను మంగళగిరిలోని హ్యాపీ రిసార్ట్సుకు తరలించారు. కింది అంతస్తులోని ముఖ్య వస్తువులన్నింటినీ మొదటి అంతస్తుకు తరలించారు. నిత్యం బాబు ఉపయోగించి వాకింగ్ ట్రాక్‌పై వరద నీరు ప్రవహిస్తోంది.
ప్రభుత్వ ఆదేశాల మేరకు అధికారులు 9 లారీల్లో ఇసుక తెప్పించి ఇంటి చుట్టూ ఇసుక బస్తాలేస్తున్నారు ప్రతిరోజు కనిపించే లోకేష్ కాన్వాయ్... ప్రైవేటు వాహనాలను సైతం అక్కడ నుంచి తరలించారు. ఇలాఉంటే ప్రకాశం బ్యారేజీ, వారధి వద్ద సందర్శకుల తాకిడి పెరుగుతూ ట్రాఫిక్ స్తంభిస్తోంది. దీంతో పోలీసులు ట్రాఫిక్‌ను క్రమబద్ధీకరించాల్సి వస్తోంది. వాహనాల్లో వెళ్లే వారు తమ వాహనానలను నిలిపి మరీ సెల్ఫీ ఫొటోలు దిగుతున్నారు.
చిత్రం... కరకట్ట పై చంద్రబాబు నివాసం వద్ద వరద నీటి ప్రవాహం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.