రాష్ట్రీయం
మహిళా సాధికారతకు నాంది
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి: నామినేటెడ్ పదవులు, కాంట్రాక్ట్ పనుల్లో మహిళలకు సమాన అవకాశాలను కల్పించే బిల్లులు ప్రవేశపెట్టి తమ ప్రభుత్వం మహిళా సాధికారతకు నాంది పలికిందని ఉప ముఖ్యమంత్రి పుష్ప శ్రీవాణి స్పష్టం చేశారు. మంగళవారం శాసనసభలో బిల్లులపై చర్చ సందర్భంగా శ్రీవాణి మాట్లాడుతూ తెలుగుదేశం ప్రభుత్వ హయాంలో బెల్ట్‌షాపుల్లో మద్యం ఏరులై పారిందని, దీనివల్ల అనేక మంది మహిళల జీవితాలు ధ్వంసమయ్యాయని ఆవేదన వ్యక్తం చేశారు. సున్నా వడ్డీని దివంగత వైఎస్ రాజశేఖర్ రెడ్డి అమలుచేస్తే తెలుగుదేశం నిర్లక్ష్యం చేసిందని ఆరోపించారు. డ్వాక్రా మహిళలకు వడ్డీ మాఫీ చేస్తామని చెప్పిన గత ముఖ్యమంత్రి చంద్రబాబు వంచించారని ధ్వజమెత్తారు. 2016 నుంచి 2019 వరకు రూ. 3వేల కోట్ల మేర సున్నా వడ్డీ నిధులు మంజూరు చేయలేదన్నారు. రాష్ట్ర వ్యాప్తంగా 46వేల బెల్ట్‌షాపులకు మాత్రం అనుమతిచ్చారని ఎద్దేవా చేశారు. ఇసుక మాఫియాను అడ్డుకుంటున్న వనజాక్షి లాంటి మహిళా అధికారులను వేధింపులకు గురిచేసి మాఫియాను కాపాడిన ఘనత చంద్రబాబుకే దక్కుతుందన్నారు. పాదయాత్రలో మహిళల కష్టసుఖాలు తెలుసుకున్న ముఖ్యమంత్రి జగన్ వారికి ఆర్థిక, రాజకీయ చేయూత నందించే లక్ష్యంతో ఉన్నారన్నారు.
5 బిల్లులకు ఆమోదం
శాసనసభలో మంగళవారం 5 బిల్లులకు ఏకగ్రీవ ఆమోదం లభించింది. ఎస్సీ, ఎస్టీ, బీసీ, మైనారిటీలకు నామినేషన్ పద్ధతిలో చేపట్టే పనుల్లో 50 శాతం ప్రాధాన్యత కల్పించటంతో పాటు నామినేటెడ్ పదవుల్లో 50 శాతం రిజర్వేషన్, మహిళలకు 50 శాతం రిజర్వేషన్ కాంట్రాక్ట్, సర్వీస్ పనుల్లో 50 శాతం ప్రాధాన్యత, బీసీలకు శాశ్వత కమిషన్ ఏర్పాటుకు సంబంధించిన బిల్లులు సుదీర్ఘ చర్చ అనంతరం సభ్యులు ఆమోదించారు. రాష్ట్ర మంత్రులు శంకర్ నారాయణ, గుమ్మనూరు జయరాం బిల్లుల్ని సభలో ప్రవేశపెట్టారు. బీసీ కమిషన్ బిల్లు, నామినేటెడ్ పదవులు, కాంట్రాక్ట్ పనుల్లో 50 శాతం రిజర్వేషన్ల బిల్లును ప్రభుత్వ విప్ కురుముట్ల శ్రీనివాసులు, మహమ్మద్ ముస్త్ఫా, జోగి రమేష్, జంగా కృష్ణమూర్తి తదితరులు బలపరిచారు. మహిళలకు ప్రాతినిధ్యం కల్పించే మరో రెండు బిల్లులను ఉప ముఖ్య మంత్రి పుష్ప శ్రీవాణి, ఆర్‌కే రోజా, విడదల రజని బలపరిచారు. చర్చ అనంతరం బిల్లులను ఆమోదిస్తున్నట్లు స్పీకర్ స్థానాన్ని అలంకరించిన డిప్యూటీ స్పీకర్ కోన రఘుపతి ప్రకటించారు.
చంద్రయాన్-2 ప్రయోగం విజయవంతం పట్ల స్పీకర్ విజ్ఞాపన మేరకు ముఖ్యమంత్రి వైఎస్ జగన్మోహన్‌రెడ్డితోపాటు సభ్యులు లేచి నిలబడి హర్షామోదాలు తెలిపారు.
చిత్రం...సభలో మాట్లాడుతున్న ఉప ముఖ్యమంత్రి పుష్ప శ్రీవాణి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.