రాష్ట్రీయం
28న ఇద్దరు ముఖ్యమంత్రుల భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 24: తెలంగాణ, ఆంధ్రప్రదేశ్ ఇరు రాష్ట్రాల ముఖ్యమంత్రులు కల్వకుంట్ల చంద్రశేఖర్‌రావు, వైఎస్ జగన్మోహన్‌రెడ్డి ఈ నెల 28న హైదరాబాద్‌లో సమావేశం కానున్నారని సమాచారం. ఇరు రాష్ట్రాల మధ్య ఉన్న జల వివాదాలపై చర్చించడానికి వీరు ప్రగతి భవన్‌లో సమావేశం కానున్నారని తెలిసింది. ఈ నెల 27న కొత్త సచివాలయం, శాసనసభ సముదాయ భవనాలకు భూమి పూజ జరుగనుంది. ఆ రోజు హైదరాబాద్‌లోనే ఉండే ఏపీ సీఎం వైఎస్ జగన్ భూమి పూజ కార్యక్రమానికి హాజరయ్యే అవకాశం ఉందని సమాచారం.
సచివాలయంలో ఆంధ్రప్రదేశ్‌కు కేటాయించిన భవనాలను అప్పగించడం వల్లనే కొత్త సచివాలయ నిర్మాణానికి మార్గం సుగమం అయిందని తెలంగాణ ప్రభుత్వం భావిస్తుంది. ఈ నేపథ్యంలో కొత్త సచివాలయ నిర్మాణానికి జరిగే పూజ కార్యక్రమానికి ఏపీ సీఎంను ఆహ్వానించాలని సీఎం కేసీఆర్ భావిస్తోన్నట్టు తెలిసింది. ఆ మరుసటి రోజు ఇరు రాష్ట్రాల మధ్య పెండింగ్‌లో ఉన్న జల వివాదాలపై ఈ ఇరువురు సీఎంలు చర్చించి పరిష్కారానికి కృషి చేస్తారని తెలిసింది. ఇద్దరు సీఎంల భేటీ తర్వాత ఇరు రాష్ట్రాల నీటిపారుదలశాఖ అధికారులు సమావేశమై వివాదాల పరిష్కారానికి రోడ్ మ్యాప్ రూపొందిస్తారని తెలిసింది. ఏపీ అధికారులు మొదట హైదరాబాద్‌కు వచ్చి సమావేశమయ్యాక, తెలంగాణ అధికారుల బృందం అమరావతికి వెళ్లనున్నారని అధికార వర్గాల సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.