రాష్ట్రీయం
30న జగన్ ప్రమాణ స్వీకారం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మే 24: ఆంధ్రప్రదేశ్ నూతన ముఖ్యమంత్రిగా వైకాపా అధినేత జగన్‌మోహన్‌రెడ్డి ఈ నెల 30న ప్రమాణ స్వీకారం చేయనున్నారు. నవ్యాంధ్రకు రెండవ ముఖ్యమంత్రిగా పదవీ బాధ్యతలను స్వీకరించనున్నారు. జగన్‌తో పాటు ఎంతమంది మంత్రులుగా ప్రమాణ స్వీకారం చేస్తారో అన్న ఉత్కంఠకు ఆ పార్టీ సీనియర్ నేత, జగన్ రాజకీయ సలహాదారు సజ్జల రామకృష్ణారెడ్డి తెరదించారు. జగన్ ఒక్కరే ప్రమాణ స్వీకారం చేస్తారని సజ్జల ప్రకటించారు. శనివారం వైకాపా ఎమ్మెల్యేలంతా సమావేశమై పార్టీ శాసనసభా పక్ష నేతను ఎన్నుకుంటారని ఆయన శుక్రవారం తెలిపారు. అనంతరం గవర్నర్‌ను కలుస్తారని తెలిపారు. కాగా, ప్రమాణ స్వీకారోత్సవానికి వేదిక ఇంకా ఖరారు కాలేదు. తొలుత విజయవాడలోని ఇందిరా గాంధీ మున్సిపల్ స్టేడియంలో ప్రమాణ స్వీకారం చేసేందుకు జగన్ ప్రతిపాదించారు. కానీ ట్రాఫిక్ సమస్య తలెత్తుందని అధికారులు వివరించడంతో ఆ ప్రతిపాదననను విరమించుకున్నారు. ప్రస్తుతం విజయవాడ సమీపంలోని చినఅవుటుపల్లి వద్ద సిద్ధార్ధ కళాశాల ఎదురుగా ఉన్న ఖాళీ స్థలంలో ప్రమాణ స్వీకారోత్సవ వేదికను ఏర్పాటు చేసేందుకు ప్రతిపాదించినట్లు పార్టీ వర్గాలు తెలిపాయి. దాదాపు 7 లక్షల మంది వరకూ వచ్చే అవకాశం ఉందని అంచనా వేస్తున్నారు. ఈ మేరకు 20 ఎకరాల స్థలం అవసరం అవుతుందని భావించి వివిధ ప్రాంతాలను పరిశీలిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.