రాష్ట్రీయం
త్వరలో స్మార్ట్‌మీటర్లు
S ,7 à 8 RSCA (si SASPAS) et 6 cialis pharmacie cialis rapports de stage.
భీమవరం, ఏప్రిల్ 15: విద్యుత్ వినియోగదార్లందరికీ స్మార్ట్ మీటర్లు ఏర్పాటుచేసే ఆలోచనలో ఉన్నట్టు ఆంధ్రప్రదేశ్ తూర్పు ప్రాంత విద్యుత్ పంపిణి సంస్థ (ఏపీఈపీడీసీఎల్) ఛైర్మన్ అండ్ మేనేజింగ్ డైరక్టర్ (సీఎండీ) కె రాజబాపయ్య చెప్పారు. ఈ స్మార్ట్‌మీటర్లలో పోస్ట్‌పెయిడ్, ప్రీ పెయిడ్ అనే రెండు రకాలు ఉంటాయన్నారు. పశ్చిమ గోదావరి జిల్లా భీమవరంలో జిల్లా స్ధాయి అధికారులతో సమీక్ష నిమిత్తం సోమవారం ఇక్కడకు వచ్చిన ఆయన విలేఖర్లతో మాట్లాడారు. స్మార్ట్‌మీటర్లు ద్వారా విద్యుత్ వినియోగించి, బిల్లులు చెల్లించకపోతే నేరుగా తమ కార్యాలయం నుంచే విద్యుత్ సరఫరా నిలిపివేయడం, చెల్లింపులు జరిగిన తర్వాత తిరిగి యధాస్థితిని కొనసాగించడం జరుగుతుందన్నారు. ప్రస్తుతం విశాఖపట్నంలో పైలట్ ప్రాజెక్టుగా అమలుచేస్తున్నామన్నారు. వెయ్యి మీటర్లకు 800 స్మార్ట్ మీటర్లు ఏర్పాటు చేశామని సీఎండీ తెలిపారు. ఇది విజయవంతం అయితే ఈపీడీసీఎల్ పరిధిలో సుమారు 6 లక్షల కనెక్షన్లు ఇచ్చే ఆలోచన ఉన్నట్టు వెల్లడించారు. ఈ పైలట్ ప్రాజెక్టు కేంద్ర ప్రభుత్వానికి చెందిన ఎనర్జీ ఎఫీషియన్సీ సర్వీసెస్ లిమిటెడ్ (ఇఇఎస్‌ఎల్) నిర్వహిస్తోందన్నారు. స్మార్ట్ మీటర్లలో కేవీఏ, కేవీఏహెచ్, కేడబ్ల్యూహెచ్ అనే మూడు రకాలుగా విభజించామన్నారు. వినియోగదారుని మీటరు ద్వారా ఎంత విద్యుత్ వినియోగం జరిగింది, ఆ మీటరుకు ఎంత లోడు ఇస్తున్నాము ఇంకా ఎంత విద్యుత్ అవసరం తదితర వివరాలు కూడా చాలా స్పష్టంగా తెలుస్తోందన్నారు. ఈ స్మార్ట్‌మీటర్లను సంస్థ ఏర్పాటుచేస్తుందని, వినియోగదారుడే మీటరు తెచ్చుకుంటే ఉదయం 10 గంటల నుంచి 12 గంటల మధ్య జరిగే విద్యుత్ వినియోగంలో యూనిట్‌కు రూ.1 రిబేటు ఇస్తామని సీఎండి వివరించారు. ఈ రిబేటు విద్యుత్ రెగ్యులేటరీ కమిషన్ నిర్ణయించాల్సి ఉంటుందన్నారు. మహారాష్టల్రో మాదిరిగా మహావితరన్ అనే సాఫ్ట్‌వేర్‌ను తీసుకువచ్చామన్నారు. దీనిద్వారా విద్యుత్ మీటరు నుంచి రీడింగ్ తీసిన వెంటనే సెల్‌ఫోన్లకు సమాచారం వెళ్తుందని, నిర్ణీత కాలంలో బిల్లు చెల్లింపులు జరగకపోతే సమాచారం ఇవ్వడం, చెల్లించిన మొత్తానికి చెల్లించినట్టు సమాచారాన్ని సెల్‌ఫోన్లకు ఎస్‌ఎంఎస్‌ల ద్వారా పంపిస్తామని సీఎండి రాజబాపయ్య వివరించారు. ప్రపంచ బ్యాంకు నిధులు రూ.1000 కోట్లతో ఇన్‌డోర్, అవుట్‌డోర్, సెమీ ఇండోర్ సబ్‌స్టేషన్ల నిర్మాణాలు జరుగుతున్నాయన్నారు. ఈ ఏడాది డిమాండ్ మరింత పెరుగుతోందని, నష్టాలను నివారించడానికి లోడ్‌ఫీడర్లను గుర్తించామని, మూడుమాసాల్లో ఈ నష్టాలను అధిగమించాలని పట్టణాల్లో 8శాతం నుంచి 3 శాతానికి, గ్రామాల్లో 8 శాతం నుంచి 4 శాతానికి నష్టాలను తగ్గించాలని అన్ని జిల్లాల అధికారులను ఆదేశించామని సీఎండీ రాజబాపయ్య వివరించారు.
చిత్రం... విలేఖరులతో మాట్లాడుతున్న ఎపీఈపీడీసీఎల్ సీఎండీ రాజబాపయ్య
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.