రాష్ట్రీయం
బరిలో త్రిముఖం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: పార్లమెంట్ ఎన్నికల ప్రక్రియలో ప్రధానమైన నామినేషన్ల ఘట్టం సోమవారం ముగిసింది. బరిలో ఎందరున్నా ప్రధానమైన పోటీ మాత్రం టీఆర్‌ఎస్, కాంగ్రెస్, బీజేపీ మధ్యనే ఉండబోతుంది. ఈ సారి ఎన్నికల బరిలో టీడీపీ లేకపోవడం విశేషం కాగా పార్టీల మధ్య ఎలాంటి అవగాహన పొత్తులు లేకపోవడం గమనార్హం. పోటీకి దూరంగా ఉన్నా కాంగ్రెస్ అభ్యర్థులకు మద్దతు ఇవ్వనున్నట్టు ప్రకటించింది. అలాగే తెలంగాణ జనసమితి కూడా తాము పోటీ చేసే స్థానాలను మినహాయించి మిగతా చోట్ల కాంగ్రెస్ అభ్యర్థులకు మద్దతు ఇవ్వనున్నట్టు ప్రకటించింది. శాసనసభ ఎన్నికల్లో తెలంగాణ జనసమితి అభ్యర్థులు డిపాజిట్లు కోల్పోవడంతో ఆ పార్టీ నాలుగు చోట్ల పోటీలో ఉన్న నామమాత్రమే కానుంది. ఇలా ఉండగా తెలంగాణలోని 17 పార్లమెంట్ నియోజకవర్గాలకు టీఆర్‌ఎస్, కాంగ్రెస్, బీజేపీలు అన్ని స్థానాలకు తమ అభ్యర్థులను బరిలోకి దింపాయి. అయితే టీఆర్‌ఎస్ హైదరాబాద్ స్థానంలో మాత్రం మిత్రపక్షమైన ఎంఐఎంకు మద్దతు ఇస్తున్నట్టు ప్రకటించినప్పటికీ హైదరాబాద్ నుంచి మొక్కుబడిగా డమీ అభ్యర్థిని నిలబెట్టింది. కాగా టీఆర్‌ఎస్ పార్టీ ఏడు స్థానాలకు మాత్రమే సిట్టింగ్ ఎంపీలను బరిలోకి దింపి, 10 స్థానాలలో కొత్త ముఖాలను బరిలోకి దింపడం విశేషం. మొత్తంగా 16 పార్లమెంట్ స్థానాలను గెలుచుకోవడమే లక్ష్యంగా టీఆర్‌ఎస్ ప్రకటించినప్పటికీ వీటిలో సగం స్థానాలు ఆ పార్టీకి ప్రతిష్ఠాకరంగా మారాయి. వీటిలో నిజామాబాద్, చేవెళ్ల, మల్కాజ్‌గిరి, ఖమ్మం, మహబూబ్‌నగర్, నల్లగొండ, కరీంనగర్, పెద్దపల్లి స్థానాలు ఉన్నాయి. కాంగ్రెస్ పార్టీకి టీపీసీసీ అధ్యక్షుడు ఉత్తమ్‌కుమార్‌రెడ్డి బరిలో నిలిచిన నల్లగొండ, టీపీసీసీ వర్కింగ్ ప్రెసిడెంట్లు రేవంత్‌రెడ్డి, పొన్నం ప్రభాకర్ బరిలో నిలిచిన మల్కాజ్‌గిరి, కరీంనగర్, ఏఐసీసీ కార్యదర్శి మధుయాష్కి బరిలో నిలిచిన నిజామాబాద్, మాజీ కేంద్ర మంత్రులు రేణుకాచౌదరి బరిలో నిలిచిన ఖమ్మం, మరో కేంద్ర మంత్రి బల్‌రామ్ నాయక్ బరిలో నిలిచిన మహబూబాబాద్ స్థానాలు ప్రతిష్ఠాత్మకం. బీజేపీకి మాజీ అధ్యక్షుడు జి కిషన్‌రెడ్డి బరిలోకి దిగిన సికింద్రాబాద్, కాంగ్రెస్ నుంచి ఇటీవల బీజేపీలో చేరి మహబూబ్‌నగర్ నుంచి బరిలో నిలిచిన డికె అరుణ, టీఆర్‌ఎస్ రాజ్యసభ సభ్యుడు డి శ్రీనివాస్ కుమారుడు అర్వింద్ నిజామాబాద్ నుంచి బీజేపీ అభ్యర్థిగా బరిలో నిలువడంతో ఈ మూడు స్థానాలు ఆ పార్టీకి ప్రతిష్ఠాత్మకం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.