రాష్ట్రీయం
హైదరాబాద్ రెండో రాజధాని ఆలోచన లేదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 9: హైదరాబాద్‌ను దేశానికి రెండో రాజధాని చేసే ఆలోచన ఏదీ కేంద్ర ప్రభుత్వం వద్ద లేదని కేంద్ర హోం శాఖ సహాయ మంత్రి జీ కిషన్‌రెడ్డి చెప్పారు. తెలంగాణ స్టేట్ యూనియన్ ఆఫ్ వర్కింగ్ జర్నలిస్ట్ ఆధ్వర్యంలో నిర్వహించిన మీట్‌ద ప్రెస్ కార్యక్రమంలో ఆయన మాట్లాడుతూ అనేక అంశాలను ప్రస్తావించారు. ఆంధ్రప్రదేశ్ రాజధాని అంశం ఆ ప్రభుత్వానికి సంబంధించిందేనని, కేంద్రానికి ఎలాంటి ప్రతిపాదనలు రాలేదని అన్నారు. రాజధాని నిర్మాణానికి భూములు ఇచ్చిన రైతులను ఆదుకోవల్సిన బాధ్యత ప్రభుత్వంపై ఉంటుందని కొంత మంది రైతులు వచ్చి తమ సమస్యలను చెప్పుకున్నారని కిషన్‌రెడ్డి అన్నారు. కేంద్ర సహకారం కోరితే తమ అభిప్రాయం చెబుతామని అన్నారు. పార్టీ పరంగా స్థానిక నేతలు తమ అభిప్రాయం చెప్పారన్నారు.
పౌరసత్వ సవరణ చట్టం ఎవరికీ వ్యతిరేకం కాదని చెప్పారు. జమ్మూ, కశ్మీర్‌లలో పరిస్థితులు బాగా మెరుగుపడ్డాయని ఆయన తెలిపారు. 1980 నుండి పాత్రికేయులతో కలిసి హైదరాబాద్‌లో అనేక కార్యక్రమాల్లో పాల్గొన్నానని, సాధారణ కార్యకర్తగా, విద్యార్థి నేతగా పెరిగి ఈనాడు కేంద్ర హోం శాఖ సహాయ మంత్రి హోదాకు చేరుకున్నానని అన్నారు. బీజేపీలో అనేక స్థాయిల్లో పనిచేశానని కిషన్‌రెడ్డి గుర్తుచేశారు. దుర్బరమైన జీవితాన్ని గడుపుతున్న వారికి పౌరసత్వం ఇవ్వడానికి మాత్రమే సీఏఏ వచ్చిందని, ఎవరి పౌరసత్వం తొలగించడం జరగదని పేర్కొన్నారు. దేశంలో స్వాతంత్య్రం వచ్చిన నాటికీ నేటికీ ముస్లింల జనాభా పెరిగిందని గుర్తుంచుకోవాలని అన్నారు. అనేక కీలక పదవుల్లో ముస్లింలను గౌరవించుకున్నామని ఆయన పేర్కొన్నారు. అదే పాకిస్థాన్‌లో హిందువులకు ఈ తరహా గౌరవం లేదని అక్కడ హిందువుల జనాభా 15 శాతం నుండి 1.6 శాతానికి పడిపోయిందని చెప్పారు. ఆనాడు పాకిస్థాన్‌లో 79 శాతం ఉండగా ఈ రోజు 96 శాతానికి పెరిగిందని అన్నారు. అంటే మిగిలిన నాలుగు శాతం ఇతర మతాల వారున్నారని, పాకిస్థాన్ మానవ హక్కుల కమిషన్ ఇచ్చిన నివేదికల్లోనే ఈ వివరాలు అన్నీ ఉన్నాయని తెలిపారు. సీఏఏ ఏ మతం వారికీ వ్యతిరేకం కాదని, ఆఫ్ఘనిస్థాన్‌లోనూ, బర్మాలో హిందువుల సంఖ్య భారీగా పడిపోయిందని అన్నారు. సీఏఏపై తప్పుడు ప్రచారం, విషప్రచారం జరుగుతోందని శరణార్థులను ఆదుకునేందుకేనని చెప్పారు. విద్యార్థులు సీఏఏపై రోడ్లమీదకు ఎందుకు వస్తున్నారో ఎవరికీ అర్ధం కావడం లేదని పేర్కొన్నారు. ఎవరికీ వ్యతిరేకంగా ఒక్క అంశం కూడా లేదని వివరించారు. వెబ్ సైట్‌లో చట్టం కాపీ ఉందని, దానిని ఎవరైనా చదువుకోవచ్చని పేర్కొన్నారు. ఎన్‌పీఆర్ అనేది రాజ్యాంగ పరిధిలో జరుగుతున్న కార్యక్రమమని, ఇది 15వది అన్నారు. బ్రిటిష్ కాలంలో ప్రారంభమైనదని 2011లో ఆనాటి కాంగ్రెస్ ప్రభుత్వం ఎన్‌పీఆర్‌ను నమోదు చేసిందని, ఇదేమీ కొత్త విషయం కాదని పేర్కొన్నారు. ఎలాంటి డాక్యుమెంట్లు ఇవ్వాల్సిన అవసరం లేదని అన్నారు. సహకరించేది లేదని కొన్ని రాష్ట్రాలు చెప్పడం సరైన వాదన కాదని చెప్పారు. జనాభా లెక్కలు తేలితేనే పధకాలు, కార్యక్రమాలను రూపొందించడం జరుగుతుందని అన్నారు. ఇండియన్ జర్నలిస్టుల సంఘం జాతీయ అధ్యక్షుడు కే శ్రీనివాస్‌రెడ్డి, తెలంగాణ వర్కింగ్ జర్నలిస్టుల సంఘం ప్రధానకార్యదర్శి విరాహత్ అలి, ఎన్ శేఖర్ తదితరులు పాల్గొన్నారు. అనంతరం యూనియన్ నేతలు కిషన్‌రెడ్డిని సత్కరించారు.
'చిత్రం... మీట్ ద ప్రెస్‌లో మాట్లాడుతున్న కేంద్ర హోం శాఖ సహాయ మంత్రి కిషన్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.