రాష్ట్రీయం
విశాఖ శ్రీ శారదాపీఠంలో విషజ్వర పీడ హర యాగం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, మార్చి 18: ప్రపంచాన్ని గడగడలాడిస్తున్న కరోనా వ్యాధితో యావత్ ప్రజానీకం విలవిల్లాడుతోంది. మహమ్మారి వైరస్ దావాలనంలా వ్యాపిస్తూ ప్రజల ప్రాణాలు హరిస్తోంది. ఆరోగ్య పరంగా ముందస్తు చర్యలు తీసుకుంటున్నప్పటికీ దైవానుగ్రహం కూడా ప్రజలకు మేలు చేస్తుందన్న భావనతో విశాఖ శ్రీ శారదాపీఠం ఆధ్వర్యంలో విషజ్వర పీడ హర యాగం, అమృత పాశుపతయాగాలను పీఠప్రాంగణంలో బుధవారం అట్టహాసంగా ప్రారంభించారు. పీఠాధిపతి శ్రీ స్వరూపానందేంద్ర సరస్వతీ మహాస్వామి సారథ్యంలో పీఠ ఉత్తరాధికారి శ్రీ స్వాత్మానందేంద్ర సరస్వతీ స్వామి స్వయంగా పర్యవేక్షించారు. ఈ సందర్భంగా పీఠాధిపతి స్వరూపానందేంద్ర సరస్వతి, ఉత్తరాధికారి స్వాత్మానందేంద్ర మాట్లాడుతూ ప్రస్తుతం భారతదేశ గ్రహమైత్రేయి సరిగా లేనందున ఇటువంటి విపత్కర పరిస్థితులు ఎదురవుతున్నాయని అన్నారు. భారతదేశ జన్మరాశి అయిన ధనూరాశిలో గురుడు, కుజుడు, కేతువు అనే మూడు గ్రహాల కలయిక, వీటిలో రెండు దుష్టగ్రహాలతో గురుగ్రహ వీక్షణ వల్ల ఆరోగ్యపరమైన సమస్యలు సంభవిస్తాయని జ్యోతిష శాస్త్రంలో స్పష్టంగా ఉంది. మార్చి 23 నుంచి కుజుడు మకర రాశిలో శనితో కలిసి ఉండటం వల్ల ఇటువంటి పరిస్థితులు సంభవిస్తున్నాయని చెప్పారు. ఏప్రిల్ 2 నుంచి మే 10 వరకూ దేశానికి కాలసర్ప దోషం ఉంది. ఈ పరిస్థితుల్లో దైవానుగ్రహ కార్యక్రమాలతో విపత్కర పరిస్థితులను సమర్ధవంతంగా ఎదుర్కొనవచ్చని తెలిపారు. విషజ్వరపీడ హర, అమృత పాశుపత యాగాలు 11 రోజుల పాటు కొనసాగుతాయని తెలిపారు. ఔదుంబర(మేడి) వృక్ష సమిధులు, సుగంధ ద్రవ్యాలు, వనమూలికలు, గోమయంతో చేసిన పిడకలు ఈయాగంలో ఉపయోగిస్తున్నట్టు తెలిపారు. ఈ యాగధూళి ప్రజలకు ఆరోగ్యాన్ని చేకూరుస్తుందని, రుగ్వేద, అధర్వణ వేదాల్లోని ఆరోగ్య మంత్రాలు, యోగావశిష్టంలోని బీజాక్షరాలను సంపుటి చేసి రుత్వికులు యాగం నిర్వహిస్తారని తెలిపారు.
*చిత్రం...యాగాలను పర్యవేక్షిస్తున్న పీఠాధిపతి స్వరూపానందేంద్ర సరస్వతి, ఉత్తరాధికారి స్వాత్మానందేంద్ర
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.