రాష్ట్రీయం
ఆర్టీసీ ఉద్యోగుల సమస్యలు పరిష్కరిస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ(సిటీ), మార్చి 4: ఆంధ్రప్రదేశ్ రాష్ట్ర రోడ్డు రవాణా సంస్థను ప్రభుత్వంలో విలీనం చేయడం ద్వారా ఉద్యోగులు ఎదుర్కొంటున్న సమస్యలను తప్పకుండా ప్రభుత్వం పరిష్కరిస్తుందని రాష్ట్ర రవాణా శాఖ మంత్రి పేర్ని వెంకట్వేశ్వరరావు(నాని) తెలిపారు. త్వరలోనే జేఏసీ సమావేశాన్ని ఏర్పాటు చేస్తామన్నారు. ఆర్టీసీ ఉద్యోగులకు విలీనం అనంతరం ఎదురౌతున్న సమస్యలుపైన, మేనేజ్‌మెంట్ వ్యవహరిస్తున్న తీరు, గతంలో జేఏసీతో చేసుకున్న ఒప్పందాలు అన్ని అమలు చేయాలని ఏపీ జేఏసీ అమరావతి నాయకులు బొప్పరాజు వెంకటేశ్వర్లు, వై వెంకటేశ్వర్లు ఆధ్వర్యంలో జేఏసీ నేతల బృందం బుధవారం సచివాలయంలో రవాణా మంత్రి పేర్ని నానితో ఆయన ఛాంబర్‌లో కలిసి ఆర్టీసీ ఉద్యోగుల సమస్యలను వివరించారు. అతిముఖ్యమైన 27 డిమాండ్లుతో కూడిన వినతి పత్రాన్ని మంత్రికి జేఏసీ నేతలు అందించారు. ఇందులో ప్రధానంగా ఆర్టీసీ ఉద్యోగులకు ఓల్డు పెన్షన్ స్కీమ్ అమలయ్యేలా చూడాలన్నారు. జీతభత్యాలలో ఉన్న వ్యత్యసాలను సరిచేయాలన్నారు. గతంలో జేఏసీతో చేసుకున్న ఒప్పందం మేరకు 2017 వేతన సవరణ బకాయిలు చెల్లించాలన్నారు. భార్యాభర్తలకు ఇస్తామన్న ఫ్రీట్రావెలింగ్ కార్డులను వెంటనే ఇవ్వాలన్నారు. లీవ్ ఎన్ క్యాష్‌మెంట్ ఇవ్వాలన్నారు. పెండింగులోని కారుణ్యనియామకాలు, మెడికల్ అన్ ఫిట్ అయిన వారి పిల్లలకు ప్రభుత్వ శాఖలలో వెంటనే ఉద్యోగాలు ఇవ్వాలన్నారు. పెండింగులోని కాంట్రాక్టు కార్మికులను రెగ్యూలర్ చేయాలన్నారు. ఈసందర్భంగా మంత్రి పేర్ని నాని మాట్లాడుతూ ప్రస్తుతం పంచాయతీ ఎన్నికల బిజీలో ఉన్నానని, అసెంబ్లీ సమావేశాలకు ముందే ఆర్టీసీ జేఏసీ నాయకులతో సమావేశం ఏర్పాటు చేసి సమస్యలను పరిష్కరిస్తామని చెప్పారు. అంతవరకు ఆందోళన చెందవద్దని హామీ ఇచ్చారు. ఉద్యోగుల సమస్యలను సంబంధిత ప్రభుత్వ, ఆర్టీసీ అధికారులతో చర్చించి పరిష్కరించేందుకు తన వంతు కృషి చేస్తానన్నారు. అవసరమైతే సీఎం దృష్టికి తీసుకువెళ్తానన్నారు. ఆర్టీసీ ఉద్యోగులకు సరైన న్యాయం జరిగేలా చూస్తానని హామీ ఇచ్చారు. మంత్రిని కలిసిన వారిలో జేఏసీ కన్వీనర్ పలిశెట్టి దామోదరరావు, కొండారెడ్డి, ఏ రాజు, సాయిబాబా, పీ సుమ్రమణ్యంరాజుతో పాటు పలువురు ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.