రాష్ట్రీయం
వటపత్రశాయిగా యాదగిరీశుడు
S ,7 à 8 RSCA (si SASPAS) et 6 cialis pharmacie cialis rapports de stage.
యాదగిరిగుట్ట: యాదాద్రి లక్ష్మీనరసింహస్వామి బ్రహ్మోత్సవాల్లో ఐదవ రోజు ఆదివారం ఉదయం వటపత్రశాయి ఆలంకార సేవలో, రాత్రి పొన్నవాహన విహారిగా భక్తులకు దర్శనమిచ్చారు. ప్రళయకాలంలో జగత్తును కాపాడేందుకు మర్రి ఆకుపై పవళించి తన గర్భంలోని లోకాలన్నంటికీ పాదారవిందం చేత నోటి ద్వారా అమృతమును అందిస్తూ జగద్రక్షుడైన స్వామివారు చిన్నికృష్ణుడి రూపంలో వటపత్ర శయనుడిగా అవతరించి లోకాలను రక్షించారు. యాదాద్రి లక్ష్మినరసింహుడు లోక రక్షకుడైన వటపత్ర శాయిగా అలంకార సేవలో దర్శనమిచ్చి భక్త రక్షక్షుడిగా చాటుకున్నారు. రాత్రి 9 గంటలకు కోరిన కోర్కేలు తీర్చే పొన్న (కల్పవృక్షం) వాహనంపై విహరించిన లక్ష్మినరసింహుడు భక్తులకు అభయప్రదాతగా దర్శనమిచ్చారు. స్థానాచార్యులు రాఘవాచార్యులు, ఆలయ ప్రధానార్చకులు నంధీగల్ నరసింహాచార్యులు, కారంపుడి నరసింహాచార్యులు, కాండూరి వెంకటాచార్యులు, యాజ్ఞీకులు ఫణితాచార్యులు నేతృత్వంలో పాంచరాత్రాగమశాస్త్రానుసారం శాస్తయ్రుక్తంగా మేళతాళాల మధ్య స్వామివారికి అలంకార, విశేష వాహన సేవలు నిర్వహించి బాల ఆలయంలో ఊరేగించారు. పొన్న వాహన రూఢుడైన స్వామివారిని దర్శిస్తే కోరిన కోరికలు తీరుతాయని సంతాన సిద్ధి కలుగుతుందన్న నమ్మకంతో భక్తులు పెద్ద ఎత్తున స్వామివారిని దర్శించుకున్నారు. దేవస్థానం ఈవో గీత, అనువంశిక ధర్మకర్త నరసంహామూర్తి విశేష సేవల్లో పాల్గొన్నారు. ఉత్సవాల్లో భాగంగా వేద పారాయణాలు, హవనాలు, యాగాది పూజలు శాస్తయ్రుక్తంగా కొనసాగుతుండగా యాదాద్రిలో బ్రహ్మోత్సవ శోభ ఫరిడవిల్లుతోంది. యాదాద్రి బ్రహ్మోత్సవాల్లో భాగంగా నేడు సోమవారం లక్ష్మీనరసింహస్వామికి గోవర్ధనగిరిధారి అలంకార సేవ, సింహవాహన సేవలు నిర్వహించనున్నారు. రేపు మంగళవారం రాత్రి 9గంటలకు బాల ఆలయంలో స్వామివారికి ఎదుర్కోలు ఘట్టం సాగనుంది.
*చిత్రం...వటపత్రశాయగా అలంకృతుడైన లక్ష్మీనరసింహుడికి మంగళహారతి నివేదన,
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.