రాష్ట్రీయం
మురళీకృష్ణుడైన యాదాద్రి నృసింహుడు
S ,7 à 8 RSCA (si SASPAS) et 6 cialis pharmacie cialis rapports de stage.
యాదగిరిగుట్ట: యాదాద్రి శ్రీ లక్ష్మీనరసింహస్వామి స్వామివారి బ్రహ్మోత్సవాల్లో విశేషాలంకార, వాహన సేవల్లో భాగంగా నాల్గవ రోజు శనివారం లక్ష్మీనరసింహుడు మురళీకృష్ణావతారం అలంకార సేవలో హంసవాహనంపై విహరించి భక్తులను తరింపచేశారు.
బాల ఆలయంలో ఉదయం 11గంటలకు ఉగ్రనృసింహుడిని ముగ్ధమనోహారుడైన గోపికాప్రియుడు మురళీకృష్ణుడిగా అలంకరించి ఇష్టపూజలు నిర్వహించి ఊరేగించారు. లోకాలకు భగవద్గీతను అందించి జగద్గురువుగా నిలిచిన నల్లనయ్య రూపంలో లక్ష్మినరసింహుడిని దర్శించుకున్న భక్తులు భక్తి పారవశ్యులయ్యారు. అనంతరం రాత్రి 9గంటలకు స్వామివారి విశేష వాహన సేవలో మృగనరహరి లక్ష్మీనరసింహుడు జ్ఞాన ప్రతీకయైన హంసవాహనంపై విహరించి భక్తులకు ఆధ్యాత్మిక, భక్తి జ్ఞానాదులను అనుగ్రహించి ఆశీర్వదించారు. ప్రధానర్చాకులు నంధీగల్ లక్ష్మీనరసింహాచార్యులు, కారంపుడి నరసింహాచార్యులు, అలంకార సేవకులు ఆత్రేయచార్యులు స్వామివారి విశేషాలంకార, వాహన సేవలు నిర్వహించి భక్తులకు వాటి విశిష్టతలను వివరించారు. సేవోత్సవాల్లో ఈవో గీతారెడ్డి, అనువంశిక ధర్మకర్త నరసింహమూర్తిలు పాల్గొన్నారు. అర్చక పండితులు స్వామివారికి హోమాధి పూజలు, వేద పారాయణాలు నిర్వహించారు.
నేడు వటపత్రాశాయిగా పొన్న వాహనంపై..
యాదాద్రి లక్ష్మీనరసింహుడి బ్రహ్మోత్సవాల్లో స్వామి వారి అలంకార, విశేష వాహనాసేవల్లో భాగంగా నేడు ఆదివారం యాదగిరీశుడికి వటపత్రశాయి అలంకార సేవ, పొన్న వాహన సేవలు నిర్వహించనున్నారు.
*చిత్రం... శ్రీమురళీకృష్ణాలంకారంలో భక్తులకు దర్శనమిచ్చిన యాదగిరీశుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.