రాష్ట్రీయం
వెంకటాద్రి ఎక్స్‌ప్రెస్ రైలుకు ఊడిపోయిన బోగీలు
S ,7 à 8 RSCA (si SASPAS) et 6 cialis pharmacie cialis rapports de stage.
రేణిగుంట, ఫిబ్రవరి 24: కాచిగూడ నుంచి చిత్తూరుకు వెళుతున్న వెంకటాద్రి ఎక్స్‌ప్రెస్ రైలు బోగీలు ఊడిపోవడంతో రైల్లోని ప్రయాణికులు భయాందోళనలకు గురైన సంఘటన సోమవారం ఉదయం తిరుపతి సమీపంలోని మామండూరు రైల్వేస్టేషన్‌లో చోటు చేసుకుంది. వివరాల్లోకివెళితే ఆదివారం రాత్రి కాచిగూడ నుంచి 24 బోగీలు, 2 డీజిల్ ఇంజన్‌లతో బయల్దేరిన వెంకటాద్రి ఎక్స్‌ప్రెస్ రైలు సోమవారం ఉదయం 9 గంటలకు చిత్తూరు రైల్వేస్టేషన్‌కు చేరుకోవాల్సి ఉంది. 70 కిలోమీటర్ల వేగంతో వెళ్తున్న రైలు సోమవారం ఉదయం 7.30 గంటలకు రేణిగుంట మండల పరిధిలోని మామండూరు రైల్వేస్టేషన్ వద్ద రైలు ఎస్-11, ఎస్-12 బోగీలకు ఉన్న కప్లింగ్ ఊడిపోవడంతో రైలు దాదాపు 200మీటర్ల వరకు బోగీలు విడిపోయి ప్రయాణించింది. దీనిని గమనించిన మామండూరు రైల్వేస్టేషన్ మాస్టర్, స్టేషన్‌లోని రైల్వే సిబ్బంది ముందు వెళుతున్న రైలు డ్రైవర్‌కు సమాచారం ఇవ్వడంతో రైలును అప్పటికప్పుడే ఆపేశారు. జరిగిన విషయాన్ని మామండూరు రైల్వేస్టేషన్ మాస్టర్ రేణిగుంటలోని రైల్వే ఉన్నతాధికారులకు సమాచారం అందజేశారు. మామండూరులో ఉన్న రైల్వేసిబ్బంది పాయింట్స్‌మెన్ సహకారంతో బోగీలు విడిపోయి ముందువెళ్లిన సగభాగం రైలును తిరిగి వెనక్కు తెచ్చి యథాస్థితిలో పెట్టి రైలు బోగీ కప్లింగ్‌ను పరిశీలించి ఊడిపోయిన కప్లింగ్‌లను సరిచేయడంతో తిరిగి ఉదయం 8.25 గంటలకు రేణిగుంట రైల్వేస్టేషన్‌కు చేరుకుంది. దీంతో రైల్లో ఉన్న ప్రయాణికులు ఊపిరిపీల్చుకున్నారు. తిరిగి రేణిగుంట రైల్వేస్టేషన్‌లో టెక్నికల్ సిబ్బంది కప్లింగ్ ఊడిపోయిన బోగీలను క్షుణ్ణంగా పరిశీలించి ఉదయం 9 గంటలకు రేణిగుంట రైల్వేస్టేషన్ నుంచి చిత్తూరుకు బయల్దేరి వెళ్లింది. మొత్తం మీద ఒకటిన్నర గంటసేపు ఆలస్యంగా గమ్యస్థానానికి వెంకటాద్రి ఎక్స్‌ప్రెస్ రైలు చేరుకుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.