రాష్ట్రీయం
ఆకాశవాణి న్యూస్ రీడర్ వెంకట్రామయ్య మృతి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 13: ఆకాశవాణి న్యూస్ రీడర్ డీ వెంకట్రామయ్య (78) సోమవారం నాడు కన్నుమూశారు. వెంకట్రామయ్య అంతిమ సంస్కారం మంగళవారం ఉదయం ఈఎస్‌ఐ శ్మశానవాటికలో జరగనుంది. బహుముఖ ప్రజ్ఞాశాలి వెంకట్రామయ్య మృతి పట్ల ముఖ్యమంత్రి కేసీఆర్ దిగ్భ్రాంతిని, సంతాపాన్ని వ్యక్తం చేశారు. హైదరాబాద్ ఆకాశవాణి కేంద్రంలో వివిధ విభాగాల్లో వెంకట్రామయ్య సేవలను సీఎం గుర్తు చేశారు. ఈ సందర్భంగా సీఎం వెంకట్రామయ్య కుటుంబ సభ్యులకు ప్రగాఢ సానుభూతిని తెలిపారు. హైదరాబాద్ ఆకాశవాణి కేంద్రంలో దాదాపు 30 ఏళ్ల పాటు న్యూస్ రీడర్‌గా, కార్యక్రమ వ్యాఖ్యాతగా, నటుడిగా, నాటక ప్రయోక్తగా, రేడియో రాంబాబుగా, రేడియో జర్నలిస్టుగా లక్షలాది మంది శ్రోతల గుండెల్లో కొలువుదీరారు. హైస్కూలు, కాలేజీ చదువులను గుడివాడలో పూర్తి చేసి, 1962లో బిఎస్సీ డిగ్రీ అందుకున్నారు. 1963లో ఆకాశవాణి హైదరాబాద్ కేంద్రంలో అనౌన్సర్‌గా చేరారు. వివిధ పత్రికల్లో 80కి పైగా కథలు ప్రచురితమయ్యాయి. కథకుడిగా రెండు కథా సంపుటాలు ముద్రించారు. రెండు నవలలు పుస్తకరూపంలో వచ్చాయి. విమర్శలు, సమీక్షలు వందకు పైగా పత్రికల్లో ప్రచురితమయ్యాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.