రాష్ట్రీయం
రంగనాథ్ ఆత్మహత్య
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 19: ప్రముఖ నటుడు రంగనాథ్ కన్నుమూశారు. హైదరాబాద్‌లోని అశోక్‌నగర్‌లో నివసిస్తున్న ఆయన శనివారం సాయంత్రం తన ఇంట్లో ఉరి వేసుకుని మరణించారు. ఆయన వయస్సు 66 సంవత్సరాలు. రంగనాథ్‌కు ఇద్దరు కుమార్తెలు, ఒక కుమారుడు. ఆయన భార్య ఆరేళ్లక్రితం మరణించారు. భారీరూపం, కంచుకంఠం, స్పష్టమైన ఉచ్చారణతో తెలుగు చలన చిత్రసీమలో తనకంటూ ప్రత్యేక గుర్తింపు తెచ్చుకున్న రంగనాథ్ మరణం అందరినీ కలచివేసింది. చెన్నైలో పుట్టి, రైల్వేలో టిక్కెట్ కలెక్టర్‌గా ఉద్యోగం చేసి సినిమాల్లోకి వచ్చిన రంగనాథ్ ఎన్నో ఒడిదొడుకులను ఎదుర్కొని నిలబడ్డారు. హీరోగా, విలన్‌గా, కేరెక్టర్ ఆర్టిస్టుగా దాదాపు 300 సినిమాల్లో, టీవీ సీరియల్స్‌లో నటించిన ఆయన మంచి కవికూడా. బుద్ధిమంతుడు సినిమాతో చిత్ర రంగ ప్రవేశం చేసిన రంగనాథ్, జమీందారుగారి అమ్మాయి, పంతులమ్మ, ఇంటింటి రామాయణం వంటి హిట్ సినిమాల్లో హీరోగా అలరించారు. 2009 నుంచి సినిమాల్లో అవకాశాలు లభించకపోవడం, కుటుంబ సభ్యులు తన గురించి శ్రద్ధ తీసుకోకపోవడంతో ఆయన జీవితంపై విరక్తిచెందారని సన్నిహితులు చెబుతున్నారు. శనివారం సాయంత్రం ఓ స్వచ్ఛంద సంస్థకు చెందిన ప్రతినిధులు రంగనాథ్‌ను కలిసేందుకు వచ్చారు. ఎంతసేపు తలుపుకొట్టినా స్పందించకపోవడంతో అనుమానం వచ్చి వంటగది తలుపులు పగులగొట్టి లోనికి వెళ్లారు. అప్పటికే ఆయన అపస్మారక స్థితిలో ఉన్నారు. సమీపంలోనే నివాసముంటున్న ఆయన కుమార్తెకు సమాచారం చెప్పడంతో ఆమె వచ్చి అశోక్‌నగర్‌లోని ఆసుపత్రికి తరలించగా అప్పటికే మృతి చెందినట్టు వైద్యులు తెలిపారు. ఇదిలావుండగా తనవద్ద ఉన్న కొన్ని బాండ్‌లు తనకు సేవచేసిన వారికే చెందాలని గోడపై రాసినట్టు పోలీసులు తెలిపారు. పోస్టుమార్టం నిమిత్తం మృతదేహాన్ని గాంధీ ఆసుపత్రికి తరలించారు. విలక్షణ నటుడిగా పేరు తెచ్చుకున్న ఆయన మృతి పట్ల తెలంగాణ సిఎం కెసిఆర్ సంతాపం వ్యక్తం చేశారు. అలాగే పలువురు చిత్రరంగ ప్రముఖులు రంగనాథ్ మృతి పట్ల దిగ్భ్రాంతిని వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.