అంతర్జాతీయం
పాక్‌లో ఆత్మాహుతి దాడి : 22 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
పెషావర్, డిసెంబర్ 29: వాయువ్య పాకిస్తాన్‌లో మంగళవారం మోటారు సైకిల్‌పై వచ్చిన ఒక తాలిబన్ మానవ బాంబు రద్దీగా ఉండే ఒక ప్రభుత్వ కార్యాలయ భవనం గేటును ఢీకొట్టి పేల్చేసుకోవడంతో కనీసం 22 మంది మృతి చెందగా, 40 మందికి పైగా గాయపడ్డారు. ఖైబర్ ఫక్తూన్‌క్వా రాష్ట్రంలోని మర్దానా పట్టణంలో ఉన్న ప్రభుత్వ గుర్తింపు కార్డులు జారీ చేసే నేషనల్ డేటా బేస్, రిజిస్ట్రేషన్ అథారిటీ (నాడ్రా) కార్యాలయం వద్ద ఈ శక్తివంతమైన పేలుడు సంభవించింది. పేలుడు తాకిడికి భవనం కిటికీలు, తలుపులు ధ్వంసమైనాయి. జనంతో క్రిక్కిరిసి ఉన్న సమయంలో సంభవించిన ఈ పేలుడులో 22 మంది మృతి చెందినట్లు అత్యవసర సహాయ అధికారి ఒకరు చెప్పారు. ఇది ఆత్మాహుతి దాడేనని మర్దాన్ డివిజన్ పోలీసు డిప్యూటీ ఇన్‌స్పెక్టర్ జనరల్ సరుూద్ వజీర్ ధ్రువీకరించారు. కాగా, ఈ పేలుడు తామేనని తెహ్రీక్-ఇ-తాలిబన్ చీలిక వర్గం అయిన జమాతుల్ అహర్ ప్రకటించుకున్నట్లు ‘డాన్’ పత్రిక తెలిపింది. గత ఏడాది వాఘా సరిహద్దు వద్ద జరిగిన పేలుడు కూడా తమ పనేనని ఆ ముఠా ప్రకటించుకున్న విషయం తెలిసిందే.
మోటారు సైకిల్‌పై వచ్చిన ఓ వ్యక్తి లోపలికి వెళ్లడానికి ప్రయత్నించగా, గేటువద్ద కాపలా ఉన్న సెక్యూరిటీ గార్డు వెళ్లనివ్వకపోవడంతో అతను మోటారు సైకిల్‌తో గేటును ఢీకొట్టి పేల్చేసుకున్నట్లు మీడియా కథనాలు పేర్కొన్నాయి. క్షతగాత్రుల్లో చాలామంది పరిస్థితి విషమంగా ఉంది. వారినందరినీ మర్దాన్ మెడికల్ కాంప్లెక్స్, పట్టణంలోని ఇతర ఆస్పత్రులకు తరలించారు. భద్రతా సిబ్బంది పేలుడు జరిగిన మొత్తం ప్రాంతాన్ని చుట్టుముట్టేసారు. సహాయ, భద్రతా అధికారులు హుటాహుటిన సంఘటనా స్థలానికి చేరుకున్నారు. పాకిస్తాన్‌లోని మొత్తం జనాభాకు కొత్తగా రిజిస్ట్రేషన్ వ్యవస్థను రూపొందించే బాధ్యతను అప్పగించిన నార్డా కార్యాలయం ఎప్పుడూ రద్దీగానే ఉంటుంది. (చిత్రం) పేలుడు జరిగిన ప్రాంతాన్ని అధీనంలోకి తీసుకున్న పాక్ భద్రతా దళాలు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.