ప్రెగ్నెన్సీ టూరిజం!

ఇదేం పేరు? అంటూ కోప్పడుతున్నారా? మెడికల్ టూరిజం, టెంపుల్ టూరిజం గురించి విన్నాం.. కానీ ఈ ప్రెగ్నెన్సీ టూరిజం ఏంటి? కొత్తగా ఉందే.. అనుకుంటున్నారా? నిజమే అంటున్నారు లడఖ్ పల్లెల్లోని కొందరు పెద్దలు. వివరాల్లోకి వెళితే..
మన చరిత్రను ఒక్కసారి తిరగేస్తే.. అందులో అన్నీ అరాచకాలే కనిపిస్తాయి. జాతి అహంకారంతో కొన్ని జాతులను నాశనం చేసినవారు ఉన్నారు. ఇందులో ఆర్యులు కూడా ఉన్నారు. ఆర్యుల జాతి దాదాపుగా అంతరించినా ప్రజల్లో మాత్రం మంచి ఆదరణ పొందింది. అంతేకాదు ఆర్యజాతి మానవజాతిలోనే స్వచ్ఛమైన జాతిగా పేరొందింది. భూమిపై ఉన్న ప్రజలందరిలో ఆర్యన్లలోనే అత్యంత స్వచ్ఛమైన రక్తం ఉందని నాజీలు నమ్మారు. ఆదర్శవంతమైన వ్యక్తులకు ఉండే లక్షణాలు మొత్తం ఆర్యులకు ఉన్నాయి. వారిది ప్లేన్ చర్మం. చాలా సున్నితంగా ఉంటుంది. వారి జుట్టు బ్లోండ్ కలర్‌లో ఉంటుంది. వారి కళ్లు నీలి రంగులో ఉంటాయి. వీరితో సంభోగంలో పాల్గొని ఆర్యజాతికి చెందిన బిడ్డకు జన్మనివ్వాలని విదేశీ వనితలు కోరుకుంటున్నారు. అయితే ప్రపంచవ్యాప్తంగా ఉండే చాలామంది ఆర్యుల్లో అసలైన ఆర్యులు ఎక్కడున్నారో తెలుసుకుని వారి ద్వారా ఆర్యులకు జన్మనివ్వాలని కోరుకుంటున్నారు. ఇటీవల ఆర్యుల మాదిరిగానే ఉండే తెగ ఒకటి మనదేశంలో ఉంది. అదే బ్రోక్పా తెగ. ఇది ఆర్యుల లాగానే సేమ్ టు సేమ్ లక్షణాలను కలిగి ఉంటుంది. వీరిలో కూడానీలిరంగు కళ్లు, పసిమి ఛాయ ఉంటాయి. అలాగే వీరు ఇతరులతో పోల్చుకుంటే పొడవుగా, దృఢంగా ఉంటారు. వీరంతా అలెగ్జాండర్ సైన్యానికి చెందిన వారని కొన్ని పరిశోధనల్లో తేలింది. అలెగ్జాండర్ భారతదేశంపై దండెత్తినప్పుడు అతని కొంత సైన్యం ఇక్కడే చిక్కుకుపోయింది. అలా వీరి సంతతి ఇప్పటికీ లడక్‌లో ఉంటోంది. వారు తాము ఆర్యజాతికి చెందిన వారమని బ్రోక్పా జాతివారు చెప్పుకుంటూ ఉంటారు.
బ్రోక్పా తెగ
ఆర్యులకు సంబంధించిన లక్షణాలు బ్రోక్పా తెగవారిలో స్పష్టంగా కనిపిస్తాయి. వారి వేషధారణ, వారి ప్రవర్తన, వారి మాటతీరు అన్నింటిలోనూ ఆర్యుల లక్షణాలు ఉట్టిపడతాయి. సమాజానికి భిన్నంగా ఉండే వీరు తమ జాతిని సంరక్షించుకోవడానికి దేనికైనా వెనుకాడరు. బ్రోక్పా తెగకు చెందినవారు లడక్‌లోని నాలుగు గ్రామాల్లో మాత్రమే ఉన్నారు. చరిత్రకారుల లెక్కల ప్రకారం 1991లో కేవలం 1900 మంది బ్రోక్పా తెగకు చెందినవారు మాత్రమే ఉన్నారు. బ్రోక్పా జాతి చాలా ప్రత్యేకమైనది. ఈ జాతి పాటించే నియమాలు కూడా చాలానే ఉంటాయి. వీరి జాతికి చెందిన అమ్మాయి, వేరే జాతికి చెందిన అబ్బాయిని పెళ్లి చేసుకుంటే ఆమెను మళ్లీ తమ గ్రామాల్లోకి అడుగుపెట్టనివ్వరు. గతంలో ఈ జాతివారు ఉండే ప్రాంతాల్లోకి ఎవరూ అడుగుపెట్టడానికి వీలుండేది కాదు. ఒకవేళ అడుగుపెట్టాలంటే అనేక నిబంధనలున్నాయి. కానీ నేడు ప్రభుత్వ జోక్యంతో అవి సందర్శన ప్రాంతాలుగా మారాయి. ప్రస్తుతం ఇక్కడకు చాలానే సందర్శకులు వస్తున్నారు. ప్రత్యేకించి విదేశీ అమ్మాయిలు ఈ గ్రామాలను పర్యాటక ప్రదేశాలుగా మార్చారు. ఈ విదేశీ అమ్మాయిలు ఇక్కడ ఉండే బ్రోక్పా జాతివారిపై చాలా పరిశోధనలు చేశారు. ఫలితంగా వీరు చాలా తెలివైన వారని, అంతేకాదు వీరు స్వచ్ఛమైన ఆర్యుల సంతతి వారని నిర్ధారించారు. దానితో ఇక్కడికి విదేశీ అమ్మాయిల తాకిడి మరింత పెరిగింది. కారణం ఇక్కడి మగవారితో శృంగారంలో పాల్గొని ఆర్యజాతికి చెందిన బిడ్డకు జన్మనివ్వచ్చనేది వారి ఆలోచన. తమ పిల్లలు స్వచ్ఛమైన ఆర్యుల్లా తెలివైనవారుగా, అందమైనవారిగా ఉంటారని వారి నమ్మకం. అందుకే చాలామంది విదేశీ అమ్మాయిలు ఇక్కడికి వచ్చి అమ్మలుగా మారుతున్నారు. నేటికాలంలో ఇది మంచి బిజినెస్‌గా మారింది. విదేశీ మహిళలు బ్రోక్పా జాతికి చెందిన మగవారితో ‘మీతో శృంగారంలో పాల్గొనాలని ఉంది’ అని అడిగినప్పుడు వారు సంబరపడి వెంటనే సంభోగంలో పాల్గొనేవారు. కానీ ఇప్పుడు అక్కడ ఇది బిజినెస్‌గా మారింది. అబ్బాయిలు శృంగారంలో పాల్గొనడానికి డబ్బును డిమాండ్ చేస్తున్నారు. దానితో ఇప్పుడు అది ప్రెగ్నెన్సీ టూరిజంగా మారింది. ఇప్పుడు పెయిడ్ ప్రెగ్నెన్సీ టూరింజంగా బ్రోక్పా జాతి ఉండే ప్రాంతాలు రోజూ సందర్శకులతో కళకళలాడుతుంటుంది. అంతేకాదు వీరి మరి కాస్త ముందడుగు వేసి.. వీరితో ఫొటోలు దిగాలంటే కూడా ఇప్పుడు డబ్బులు అడుగుతున్నారు. నిజంగా వీళ్లు తెలివైనోళ్లే కదూ..