AADIVAVRAM - Others

ఎప్పటికీ నీకై...

S ,7 à 8 RSCA (si SASPAS) et 6 cialis pharmacie cialis rapports de stage.

నిన్ను చూసిన క్షణాలు ఉవ్వెత్తున ఎగసిన
ఉద్వేగ సంద్రం
ఎద చుట్టూ చెలియలి కట్టలా చుట్టుకున్న
చేతులను దాటలేక కన్నుల ఆకసాన్ని చేరి
కంటిపాపకు ముందు.. కన్నీటి యవనికగా
మారిన దృశ్యం - నీ దృష్టిని దాటిపోయిందా?
మెడకు చుట్టుకున్న ఉరిత్రాడు
కాళ్లకు తగులుకున్న ముళ్లకంపలు
తొలగించమని ప్రాధేయపడ్డ భావాల నిట్టూర్పులు
నీ వీనుల చుట్టూ వీవనలు కాలేదా?
నిదురించిన హృదయవీణ శ్రుతిచేసి
నినదించే నిశ్శబ్ద ప్రణయ రాగం
నీ వీనులకు వినిపించినా వక్రభాష్యాల
దుమారం నీ కన్నుల లోగిలిలో విషం చిమ్మిందా?
ఇపుడైనా తరచి చూడు
గతం జ్ఞాపకాల పిల్లగాలికి వరి చేలలో
ఊగే పచ్చని పైరుల సోయగాలను
అవి చెప్పే గుసగుసల సంగీతాన్ని
చెవులకు మనసు పెట్టుకుని
మనసుకు కళ్లు పెట్టుకుని
మెదడుకు ప్రేమ పులుముకొని
ఆలోచించు - నీ ముందు నేను..
ఎప్పటికీ నీకై వేచి చూస్తూ..

-శ్రీమతి కొలకలూరి దేవికారత్నాకర్