AADIVAVRAM - Others

అంతర్జాల యుగపు అజ్ఞానం

S ,7 à 8 RSCA (si SASPAS) et 6 cialis pharmacie cialis rapports de stage.

కొదవలేని తప్పిదాలు
పూడ్చలేని నష్టాలు
జ్ఞానం లేక కాదు
వినియోగించుకునే నేర్పు లేక
రెక్కల్లేని ఫంకా
యంత్రాన్ని తిప్పగలదని తెలుసు
మూర్ఖత్వాన్ని పరాకాష్ఠకు చేర్చుకుని
అటువంటి యంత్రం గల పడవలో
తలకు మించిన భారం నింపి
తోస్తాడు దాన్ని నది మధ్యలోకి
పాపం, ఏ పాపం తెలియని
పసివాళ్ల ప్రాణాలు
వరద నీటిలో కరిగిపోతాయి
హతవిధీ, ఎంత కసాయివాడీ మనిషి!
లీటర్ ఇంధనం అదనమవుతుందని
ప్రమాదం జరిగే చోట
పడవ దాటించాడు
ఇరవయ్యొకటో శతాబ్దపు
విజ్ఞానం ఇదేనా?
పైసాకన్నా ప్రాణం అధమమా?
మళ్లీ మళ్లీ జల ప్రమాదాలు
సృష్టిస్తూనే ఉన్నాడు
బుద్ధి తెచ్చుకోని మనిషి
పాపికొండల అందాల మోజులో
మరో నలభై ఆరు అసువులు
కలక నీటిలో కలిసిపోయాయి
అనుమతిలేని జల వాహనం మీద
మితిలేని భారంతో ప్రయాణం
అంతులేని అంతర్జాల
యుగపు అజ్ఞానానికి
నిలువుటెత్తు ఉదాహరణ
బాధ్యతలేని ప్రభుత్వ యంత్రాంగపు
పనితనానికి
తిరుగులేని నిదర్శనం
ఈ అజ్ఞానం, బాధ్యతలేమి
ఏ ఒక్క రంగంలోనే కాదు
సర్వత్రా వ్యాపించి ఉన్నాయి సుమీ!
యుగమేదైతేనేం?
జ్ఞానం పరిపూర్ణం కానప్పుడు!
జ్ఞానం ఏమిటో
తెలుసుకోవలసిన సమయమిది.

-తోట సుబ్రహ్మణ్యం