Others

ఆలీబాబా నలభై దొంగలు - ఒక సెల్‌

S ,7 à 8 RSCA (si SASPAS) et 6 cialis pharmacie cialis rapports de stage.

ఇన్ని నాళ్లు దేన్నుంచైతే
తప్పించుకోవాలని చూసానో
అదే ముట్టడించి నన్ను కట్టడి చేస్తుంది

ఇటీవల మా మనుమరాలు
ఏడ్చేడ్చి వాళ్ల అమ్మతో
ఆండ్రాయడ్ ఫోన్ కొనిపిచ్చి
ముసిముసిగా నవ్వుతూ
నాకు కానుకగా ఇచ్చింది

ఎలా వాడాలో తెలువదు
మనుమరాలును ఎంత బతిమిలాడినా
చెప్పదు కాక చెప్పదు
ఇక మొదలైంది నాకు తిప్పలు

ఫోన్ చేస్తే ఫోన్ వస్తే మాట్లాడటం
ఎరికైతే చాలు అనుకున్నాను కానీ
అక్కడితో ఆగితే
అది టచ్ స్క్రీన్ ఫోన్ ఎందుకవుతుంది

ఫోన్ వస్తే ఎవరండీ అంటే
మీరే ఫోన్ చేసిండ్రు కదా ప్రశ్న
పెద్దోళ్లకు కాలు తగిలినప్పుడు
తప్పు అని వాళ్ల కాళ్లు మొక్కినట్టు
ఎప్పుడు వేలు తాకిందో
రక్తం వచ్చేట్టు నాలిక కరుచుకోవడం
నా వంతైంది

ఎన్నో అప్లికేషన్లు
మరెన్నో డౌన్‌లోడ్లు, ఇన్‌స్టలేషన్లు
వాట్సప్ ఫేస్‌బుక్ ట్విట్టర్ మెయల్
మతలబులు జవాబులు
మొత్తానికి జవాబుదారీతనం లేదు
మనకు తెలియకుండానే
బొండిగెల వంటి లోతులో మునిగిపోతాం

దునియా ముఠ్టినే్న
అంటేందో అనుకున్నా
ప్రపంచం చేతిలో
ఇమిడిపోయనట్టే అనిపిస్తుంది
అంతలోనే అందకుండా పోతుంది

మనం భూగోళం ఏదో ఒక మూలకున్నా
మన గుట్టుమట్లను తెలియకుండానే
మనల్ని బజార్లో పెడుతదట
సమాచారమే పెద్ద సమస్య అయ్య కూర్చుంటుంది
ఎంతమంది చెప్పినా
ఆజ్‌కల్ అని దాటవేసిన
మనుమరాలు ముచ్చటపడి
తెచ్చిస్తే సరే అన్నందుకు
ముచ్చెమటలు పెట్టిస్తుంది

పతాకస్థాయో పతనావస్థయో
నాలుగు బజార్ల కాడి
మన్ను బుక్కిచ్చి మంచినీళ్లు తాగిస్తుంది

అన్ని సరిహద్దుల్ని అతిక్రమించి
నా సమయా సమయాల్ని
అన్నింటినీ దురాక్రమణ చేస్తుంది
ఆలీబాబా నలభై దొంగలు...
ఓపెన్ ససేమ్ ఒక సెల్!-

జూకంటి జగన్నాథం