నది సార్ధతికోటి!!

జీవనది సార్థత్రికోటికి కొలువది!
తరాల సంస్కృతుల్ని జీవన నాగరికతలు
ప్రవాహార్థ్రతలుగా కాలం వెంబడి
సార్థక్యం దాలుస్తుంది

ఆపావనాదారాలు
సకలకల్మషహరణాలు
నిత్యవిలసితంగా
సత్యమహిమాన్వితమై
లోక హితం కోరే పుణ్యవారాశినది..
సాచిన వేల వందల జలహస్తాలోంచి
దృశ్యమానమయ్యేలా
పధగమనం తెలియజెప్తోంది

అటుభౌతిక - ఆదిభౌతికాలు
తాత్విక - తార్కిక చింతనలకు
బిందువు నుంచి సింధువు
దాకా పయనం
నిత్య తరంగిణి - నిసర్గ సుందరీమణి
ఆ సస్యకేదారాల పురి డింపుల్లా
వినిపిస్తున్న సరసగాంధారాలు
సామగానామృతాల ఆకర్షింపులు

అనుభవేక వేద్యాలుగా
రసప్లావితం చేస్తోంది
జలమే జీవనం - జనం
అన్నలోకోక్తిని ఆచంద్రార్కం
అనుసరణీయం
నీరేజనీరదాల నిత్యత్వం
నీల వవుషాల పరివ్యాపనం
ఎన్ని ఆశల మధు హృదయాల్ని
తాకుతుందో కదా!

జీవనావిష్కరణల్లోంచి-
కాలం సంపుటాల
ఇతిహాసాల్లో -
ఆది గంగా గోదావరి
పేరేదైనా -
ఆ జలం - ఆ సేతు హిమాచలం
జీవన స్పర్శలో
-మాతృకలు నీరాజనాలందుకుంటూ
పాంచభౌతిక ప్రకృతికి ప్రణమిల్లుతూ
సర్వజనహితవరం
నది వర్తమానంలో
ఆపాదించే దైవీ భావనం
అనివార్యతలు