Others
రాఖీ దుమారం
S ,7 à 8 RSCA (si SASPAS) et 6 cialis pharmacie cialis rapports de stage.
బాలీవుడ్ హాట్ బాంబ్ రాఖీసావంత్ గుర్తుందిగా.. అయినా ఆమెను మరిచిపోయినపుడల్లా ఏదో దుమారం రేపుతూ మరిచిపోకుండా చేస్తూనే ఉంటుందిలెండి. తాజాగా ఈ అమ్మడు పాకిస్తాన్ జెండా పట్టుకుని దిగిన ఫొటోలను సోషల్ మీడియాలో అప్‌లోడ్ చేసింది. అసలే పాకిస్తాన్ విషయంలో ఫైర్‌మీదున్న ఇండియన్స్ ఊరుకుంటారా.. రాఖీ సావంత్‌ను టార్గెట్ చేస్తూ కామెంట్స్ గుప్పిస్తూ ట్రోలింగ్ చేస్తున్నారు. అసలు నీకు పాకిస్తాన్ వారసత్వమే కరెక్ట్.. నువ్వు మిస్ పాకిస్తాన్ అంటూ విమర్శిస్తున్నారు. ఇలాంటి పిచ్చిపనులు చేస్తే నిన్ను అస్సలు ఫాలో అవ్వం అంటున్నారు నెటిజన్లు. దాంతో అవాక్కయిన రాఖీసావంత్ దాన్ని కవర్ చేసుకునే పనిలో పడింది. ఈ నేపథ్యంలో తాను కావాలని పాకిస్తాన్ జెండా పట్టుకుని ఫొటోలకు ఫోజులివ్వలేదని, ఇది ధారా 370 అనే సినిమాలో తాను పాకిస్తానీ అమ్మాయిగా నటిస్తున్నానని, దానికోసమే ఇలా పాక్ జెండా పట్టుకున్నానని తెలిపింది. అంతే కాదండోయ్.. పాకిస్తానీ ప్రజలంతా చెడ్డవారు కాదని.. ఎవరో కొందరుమాత్రమే జిహాద్ పేరుతో అరాచకాలు చేస్తున్నారని తెలిపింది. నాకు పాకిస్తాన్ అన్నా.. ఆ దేశ ప్రజలన్నా చాలా గౌరవం అని తెలిపింది. రాఖీ సావంత్ యవ్వారం చూస్తుంటే, కావాలని ఇలా పాకిస్తానీ జెండా పట్టుకుని ఫొటోలు దిగి సోషల్ మీడియాలో అప్‌లోడ్ చేసిందనే విమర్శలు కూడా వస్తున్నాయి. చేతిలో సినిమాలు లేకపోవడంతో తనను మరిచిపోతారనే భయంతో ఇలా కావాలని పబ్లిసిటీ స్టంట్ చేసిందని విమర్శిస్తున్న వారూ ఉన్నారు.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.