హద్దు

ఓర్పు హద్దుల్ని చెరపజూస్తే
తప్పు నిప్పులా రాజుకుంటుంది
కంటితుడుపు శాంతి సూత్రాలు
నోటితో వల్లిస్తూ నొసటితో వెక్కిరిస్తే
పరిణామం దీటైన సమాధానవౌతుంది!
కవ్వింపు చర్యలతో రచ్చకీడ్చి
ఒక్క ఛాన్సంటూ వెక్కిళ్ళు పెట్టే
గమ్మత్తు నాటకం లాగే తెరపడుతుంది
నిద్రపోతున్న పెద్దపులిని
ఆర్డీఎక్స్‌తో నిద్రలేపితే
మిరాజ్ ఆకలి నోటికి బలికావాల్సిందే
చేతులు చాపితే బ్రతికిపోవచ్చు గానీ
చిటికెవేసి పిలిస్తే ఇదిగో...
ఇలాగే బిగుసుకుంటుంది ఉచ్చు!
అన్నదమ్ములై మెలిగినప్పుడె భాయా భాయా
కయ్యానికి కాలు దువ్వితే
అమర జవానుల మండే ఆత్మలు
రుధిర తర్పణంతోనే చల్లారుతాయి!