Others
అరిగిన వేలిముద్రలు
S ,7 à 8 RSCA (si SASPAS) et 6 cialis pharmacie cialis rapports de stage.
Published Monday, 15 October 2018
- నిఖిలేశ్వర్, 9177881201
అరచేతిలో
వైకుంఠం చూడలేకున్నా
దిక్కుచూపే ఐదువేళ్ల
హస్త సాముద్రికాన్ని
భవిష్యత్ చిత్రపటాన్ని
దర్శించే ఆశాజీవుల
భ్రమావరణంలో
ఇక దిక్కులే మాసిపోతే?
మీటలు నొక్కి నొక్కి
దిక్కు తెలిపే చేతివేళ్లు
రోజూ బట్టలుతికే వేళ్లు
ఆస్తిపాస్తుల లావాదేవీల
నడుమ నలిగిన
బొటనవేలి ముద్రలు
బయోమెట్రిక్ హాజరీపై
నొక్కి వెళ్లే చేతివేళ్లు
ఆధార్ కార్డు కోసం
వేసిన వేలిముద్రల అచ్చులు
మనందరి జీవన భద్రతకే
ఆధారమంటున్న ప్రభుత్వాదేశం!
వయస్సు మీరి
శరీరం శిథిలమై
జ్ఞాపకాలపై
మబ్బు తెరలు కమ్ముకుంటున్న
దశలో యవ్వనోత్సాహాన్ని
పుంజుకునే యత్నం
మరో నూతన అధ్యాయాన్ని
లిఖించే కాగితాలపై
చెరగని జీవితకాలపు
ముద్రలు ముద్రించాలనే ప్రయాస
చావని కోరికల మీద
చివరికి మిగిలేవి
అరిగిపోయన వేలిముద్రలే!