Others
హైవేపై ఆనంద వీచిక
S ,7 à 8 RSCA (si SASPAS) et 6 cialis pharmacie cialis rapports de stage.
సనా ఇక్భాల్ బైక్ రైడర్. ఇప్పటికే దేశంలోని 83 పట్టణాలను చుట్టేసింది. బైక్‌లో షికారు చేయటం ఈమె హాబీ కాదు. ఒంటరిగా, నిర్భయంగా బైక్ రైడింగ్ చేస్తూ విద్యార్థులతోనూ, యువతీ యువకులతో మమేకమైపోతుంది. కొంతమంది యువకులు పుట్టుకతో వృద్ధులు అన్నట్లు నేటి యువత నిస్తేజంగా..నిర్వేదంగా బతుకు బండి లాగించేస్తోంది. అటువంటి యువతలో చైతన్యాన్ని నింపే పని చేపట్టి ఇలా దేశవ్యాప్తంగా బైక్ రైడింగ్‌కు ఉపక్రమించింది. డిప్రెషన్‌తో ఆత్మహత్యలకు తెగబడుతున్న యువకులలో నైరాశ్యపు ఛాయలు తొలగించేందుకు యూనివర్శిటీలలో, కాలేజీలలో ఉచిత సెమినార్లు ఏర్పాటుచేస్తోంది. సంతోషంగా ఉండటం ఎలా? అనే అంశమే ఈ సదస్సులలో ప్రధాన అంశంగా చర్చ జరుగుతోంది. గత నెల హైదరాబాద్ నుంచి ప్రారంభించిన ఈ బైక్ రైడింగ్ జూన్ 12వ తేదీకి తిరిగి హైదరాబాద్‌కు చేరుకుంటుంది. ఇప్పటి వరకు గోవా, చండీగఢ్, అమృతసర్, పటియాల, పఠాన్‌కోట, శ్రీనగర్, జమ్మూ తదితర ప్రాంతాలను చుట్టేసింది. 27 ఏళ్ల సనా ఇక్భాల్ ఇలా బైక్ రైడింగ్ చేయటానికి కారణం తన చిన్నతనంలో ఆమె తండ్రి తీవ్రమైన అసంతృప్తితో జీవితాన్ని ముగించాడు. అంతేకాదు ఆమె కూడా 26 ఏట ప్రేమించి పెళ్లి చేసుకుంది. కాని కొన్ని రోజులకే పెళ్లి విచ్ఛన్నమవ్వటం, తీవ్రమైన మానసిక పరిస్థితులలో ఆత్మహత్యకు పాల్పడాలని సంకల్పించింది. రోడ్డుపై నిస్తేజంగా వెళుతుంటే ఓ పాప సంతోషంగా చేయి ఊపుతూ చూడటం కనిపించింది. అంతే.. అమాయకమైన ఆ పాప వలే తానేందుకు సంతోషంగా ఉండలేకపోతున్నానని ప్రశ్నించుకుంది. జీవితాన్ని ఆనందమయంగా గడపాలనే కృతనిశ్చయంతో బైక్‌రైడింగ్ నేర్చుకుని ఇలా దేశమంతా చుట్టేస్తూ ‘‘ప్రతి ఒక్కరూ పసిపాప వలే ఆనందంగా గడపటమే జీవిత ధ్యేయం’’ అనే సందేశాన్ని ఇస్తూ బైక్‌పై ప్రయాణం ఆరంభించింది. నా ఈ పయనం నిరంతరాయంగా కొనసాగుతూనే ఉంటుందని సన వెల్లడిస్తోంది. దీని గురించి ఆమె తల్లిని ప్రశ్నిస్తే తీవ్రమైన మానసిక ఒత్తిడితో జీవితాన్ని ముగిస్తుందని భయపడిన తాను ఈరోజు ఆమెను చూస్తే గర్వంగా ఉందని చిరునవ్వుతో సమాధానమిస్తోంది.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.