అంతర్జాతీయం
మృతుల కుటుంబాలకు 20వేల డాలర్ల సాయం
S ,7 à 8 RSCA (si SASPAS) et 6 cialis pharmacie cialis rapports de stage.
దుబాయి: రష్యాలో శనివారం కూలిపోయిన తమ విమానంలో ఉన్న మొత్తం 62 మంది ప్రయాణికుల కుటుంబ సభ్యులు ఒక్కొక్కరికి 20 వేల డాలర్ల ఆర్థిక సహాయాన్ని ఫ్లై దుబాయి ఎయిర్‌లైన్స్ ఆదివారం ప్రకటించింది. అయితే కూలిపోయిన విమానంలో చనిపోయిన వారిని గుర్తించి, వారి కుటుంబ సభ్యులను కాంటాక్ట్ చేయడంతోపాటుగా బాధితులకు తక్షణం మద్దతు అందించడం తమ తొలి ప్రాధాన్యత అని దుబాయికి చెందిన ఎమిరేట్స్ ఎయిర్‌లైన్స్ అనుబంధ సంస్థ అయిన ఫ్లైదుబాయి తెలిపింది. సంస్థ నిబంధనల ప్రకారం తక్షణ ఆర్థిక అవసరాలను తీర్చే ఉద్దేశంతో ఒక్కో ప్రయాణికుడికి 20వేల డాలర్ల చొప్పున మృతుల కుటుంబాలకు అందించడానికి త్వరలోనే ఒక కార్యక్రమాన్ని ఏర్పాటు చేయనున్నట్లు సంస్థ ఒక ప్రకటనలో తెలిపింది. దుబాయి నుంచి రష్యాలోని రోస్తోవ్-న్-డాన్ నగరానికి బయలుదేరిన బోయింగ్ 737-800 విమానం శనివారం తెల్లవారుజామున అక్కడి విమానాశ్రయంలో దిగబోతుండగా రన్‌వేపై కాకుండా పక్కన దిగడంతో పేలిపోయిన విషయం తెలిసిందే. ఈ ప్రమాదంలో ఇద్దరు భారతీయులుసహా 55 మంది ప్రయాణికులు, ఏడుగురు సిబ్బంది మొత్తం చనిపోయారు. ఇదిలా ఉండగా ప్రమాదానికి పైలట్ తప్పిదం కారణమా లేక సాంకేతిక లోపమా లేక ప్రతికూల వాతావరణమా అనే విషయాన్ని నిర్ధారించడానికి జరుగుతున్న దర్యాప్తులో తోడ్పడడానికి ఫ్లైదుబాయి సంస్థకు చెందిన ప్రతినిధులు రోస్తోవ్-ర్-డాన్ నగరానికి చేరుకుంటున్నారు. దాదాపు పది లక్షల జనాభా ఉండే ఈ నగరం మాస్కోకు దక్షిణంగా వెయ్యి కిలోమీటర్ల దూరంలో ఉంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.