జాతీయ వార్తలు
అయోధ్యకు దూరంగా మసీదుకు స్థలం
S ,7 à 8 RSCA (si SASPAS) et 6 cialis pharmacie cialis rapports de stage.
అయోధ్య, ఫిబ్రవరి 6: రామజన్మ భూమి-బాబ్రీ మసీదు స్థల వివాదం కేసులో ముస్లిం కక్షిదారులు గురువారం నాడిక్కడ మసీదు పునర్నిర్మాణానికి కేటాయించిన స్థలం అయోధ్య నగరానికి చాలా దూరంగా ఉందని అసంతృప్తి వ్యక్తం చేశారు. జిల్లా కేంద్రానికి సుమారు 18 కిలో మీటర్ల దూరంలో లక్నో హైవే పరిసరాల్లో సోహావల్ తహసీల్ పరిధిలోని ధన్నిపూర్ గ్రామంలో అయిదెకరాల స్థలాన్ని మసీదు పునర్నిర్మాణానికి కేటాయిస్తూ ఉత్తర్‌ప్రదేశ్ ప్రభుత్వం ఈమేరకు సున్ని వక్ఫ్ బోర్డ్‌కు అలాట్‌మెంట్ లెటర్‌ను అందజేసిందని రాష్ట్ర ప్రభుత్వ అధికార ప్రతినిధి శ్రీకాంత్ శర్మ బుధవారం విలేఖరులకు తెలిపారు. అయోధ్య స్థల వివాదం కేసులో కక్షిదారు అయిన మొహమ్మద్ ఉమర్ గురువారం ఒక వార్తాసంస్థ ప్రతినిధితో మాట్లాడుతూ మసీదు నిర్మాణానికి కేటాయించిన స్థలం ప్రధానమయింది కాదని అసంతృప్తి వ్యక్తం చేశారు. ‘అయోధ్య పట్టణంలోని ఏదయినా ముఖ్యమయిన ప్రాంతాన్ని మసీదు నిర్మాణానికి కేటాయించాలని సుప్రీంకోర్టు ఆదేశించింది. కాని, కేటాయించిన స్థలం నగరానికి 25 కిలోమీటర్ల దూరంలో ఒక గ్రామంలో రోడ్డు కూడా లేకుండా ఉంది. అది ముఖ్యమయిన ప్రాంతం కాదు’ అని ఉమర్ అన్నారు. అయోధ్యలోని ముఖ్యమయిన ప్రాంతంలో స్థలం కేటాయించాలని సుప్రీంకోర్టు ఆదేశించిందని, కాని, ఇప్పుడు కేటాయించిన స్థలం అయోధ్యలోనే లేదని, సోహావల్ తహసీల్ పరిధిలో ఉందని మరో కక్షిదారు హస్‌బుల్లా బాద్‌షా ఖాన్ పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.