జాతీయ వార్తలు
నిరసన ప్రదర్శనల్లో పిల్లలను అనుమతించవద్దు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: నిరసన ప్రదర్శనల్లో పిల్లలను అనుమతించవద్దని, ఈ దిశగా స్పష్టమైన ఆదేశాలు, మార్గదర్శకాలు జారీ చేయాలని బ్రేవరీ అవార్డు విన్నర్ జెన్ సదావర్తే సుప్రీం కోర్టు చీఫ్ జస్టిస్ ఎస్‌ఏ బాబ్డేకు విజ్ఞప్తి చేసింది. సీఏఏకు వ్యతిరేకంగా ఢిల్లీలోని షహీన్‌బాగ్‌లో జనవరి 30వ తేదీన జరిగిన ప్రదర్శనలో నాలుగేళ్ల మహమ్మద్ జహాన్ మృతి చెందిన విషయాన్ని ఆమె ఈ లేఖలో ప్రస్తావించింది. చిన్నారులను తీసుకొని నిరసన ప్రదర్శనలకు హాజరుకావడాన్ని ఈ ఏడవ తరగతి విద్యార్థిని సదావర్తే తప్పుపట్టింది. రాజ్యాంగంలోని 21వ అధికరణ కింద బాలల హక్కులను కాపాడాల్సిన అవసరం ఉందని ఆమె ఆ లేఖలో సీజేకు విజ్ఞప్తి చేసింది. నిరసన ప్రదర్శనల్లో చిన్నారులు, పిల్లలు లేకుండా జాగ్రత్తలు తీసుకోవడంలో పోలీస్ యంత్రాంగం విఫలమవుతున్నట్టు ఆమె ఆరోపించింది. ఇలాంటి సంఘటనలు పునరావృతం కాకుండా సుప్రీం కోర్టు చర్యలు తీసుకోవాల్సిన అవసరం ఉందని ఆమె స్పష్టం చేసింది. షహీన్‌బాగ్ సంఘటనలో మృతి చెందిన జహాన్‌కు నివాళులు అర్పించిన ఆమె ఆ చిన్నారిని నిరసన ప్రదర్శనకు తీసుకెళ్లిన అతని తల్లిదండ్రులు చేసిన నేరమని వ్యాఖ్యానించింది. ఆ పిల్లవాడి మృతికి కారణాలేవీ డెత్ సర్ట్ఫికెట్‌లో పేర్కోకపోవడాన్ని ఆమె తప్పుపట్టింది. పోస్టుమార్టం జరిపించి, మరణానికి గల కారణాలు పేర్కొంటూ మరణ ధృవీకరణ పత్రాన్ని మరోసారి జారీ చేయాలని ఆమె విజ్ఞప్తి చేసింది. సుప్రీం కోర్టు ఈ దిశగా ఆదేశాలు జారీ చేస్తుందని విశ్వసిస్తున్నట్టు సీజేకు రాసిన లేఖలో సదావర్తే ఆశాభావం వ్యక్తం చేసింది.
**చిత్రం... బ్రేవరీ అవార్డు విన్నర్ సదావర్తే
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.