జాతీయ వార్తలు
శివకుమార్ స్వామికి ‘ భారతరత్న’ ఇవ్వాలి
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, అక్టోబర్ 20: కేంద్ర ప్రభు త్వం హిందూ మహాసభ నాయకుడు వీర సావర్కర్‌కు బదులు ఈ సంవత్సరం జనవరిలో పరమపదించిన లింగాయత్ యోగి శివకుమార్ స్వామికి భారత రత్న పురస్కారాన్ని ప్రదానం చేయాలని కర్ణాటక మాజీ ముఖ్యమంత్రి సిద్ధరామయ్య ఆదివారం సూచించారు. ‘నడిచే దేవుడి’గా పేరు పొందిన శివకుమార్ స్వామీజీ లోకోపకారి, విద్యావేత్త, మానవతావాది. ‘(సావర్కర్‌కు భారత రత్న పురస్కారం ఇచ్చే విషయంలో) బీజేపీ అభిప్రాయం ఏమైనా కానివ్వండి, సావర్కర్‌కు బదులు శివకుమార్ స్వామీజీకి భారత రత్న పురస్కారాన్ని ప్రదానం చేయాలని నేను అభిప్రాయపడుతున్నాను’ అని సిద్ధ రామయ్య మైసూరులో విలేఖరులతో అన్నారు. మహాత్మా గాంధీ హత్య కేసు నిందితుల్లో సావర్కర్ ఒకరని కొద్ది రోజుల క్రితం సిద్ధరామయ్య చేసిన వ్యాఖ్యలు వివాదాస్పదం అయ్యాయి. మహారాష్ట్ర అసెంబ్లీకి జరుగుతున్న ఎన్నికల్లో బీజేపీ రాష్ట్ర శాఖ తాము మళ్లీ అధికారంలోకి వస్తే వీర సావర్కర్‌కు మరణానంతరం భారత రత్న పురస్కారాన్ని ప్రదానం చేస్తామని తన ఎన్నికల మ్యానిఫెస్టోలో హామీ ఇచ్చింది. ఈ హామీ దేశవ్యాప్తంగా చర్చనీయాంశమయింది. మహాత్మా గాంధీ హత్య కేసు నిందితుల్లో సావర్కర్ ఒకరని సిద్ధరామయ్య పునరుద్ఘాటించారు. అయితే, ఆయన నిర్దోషిగా బయటపడ్డారనేది వేరే విషయమని సిద్ధరామయ్య అన్నారు. ‘అతనికి ఇప్పుడు భారత రత్న ఇవ్వాల్సిన అవసరం లేదు. మేము శివకుమార్ స్వామీజీకి భారత రత్న ఇవ్వాలని కోరుతున్నాం. సావర్కర్ హిందూత్వను బలపరిచిన వ్యక్తి కాబట్టి మేము వ్యతిరేకించాం. ఇందులో వివాదాస్పదం ఏముంది?’ అని కాంగ్రెస్ పార్టీ నాయకుడయిన సిద్ధరామయ్య అన్నారు. సిద్ధరామయ్య కర్ణాటక ముఖ్యమంత్రి హోదాలో 2018 జనవరిలో శివకుమార్ స్వామీజీకి భారత రత్న పురస్కారాన్ని ఇవ్వాలని కోరుతూ ప్రధాన మంత్రి నరేంద్ర మోదీకి లేఖ రాశారు. అయితే, కేంద్ర ప్రభుత్వం దీనిపై ఎలాంటి నిర్ణయం తీసుకోలేదు.
*చిత్రం... కర్ణాటక మాజీ ముఖ్యమంత్రి సిద్ధరామయ్య
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.