జాతీయ వార్తలు
యూపీలో ‘అభినవ సీత’
S ,7 à 8 RSCA (si SASPAS) et 6 cialis pharmacie cialis rapports de stage.
లక్నో, అక్టోబర్ 15: ఓ పక్క దేశవ్యాప్తంగా అయోధ్య వివాదంపై సుప్రీంకోర్టులో జరుగుతున్న విచారణ ప్రతిఒక్కర్నీ ఉక్కిరిబిక్కిరి చేస్తోంది. అంతిమ తీర్పు ఎలా ఉంటుందన్న ఉత్కంఠ ప్రతి ఒక్కరిలోనూ రోజురోజుకూ పెరుగుతోంది. ఈ నేపథ్యంలో నాటి జనక మహారాజుకు భూమిలో సీతాదేవి లభించినట్టుగా నేడు కూడా తమ మృతశిశివును ఖననం చేయడానికి వెళ్లి దంపతులకు మూడు అడుగుల లోతులో పాతిన ఓ పెట్టెలో అపర సీతాదేవి లభించింది.
ఇక్కడి ఓ శ్మశానవాటికలో మూడు అడుగుల లోతులోని ఓ పెట్టెలో పెట్టి పాతేసిన ఈ పసిగుడ్డు ఓ జంటకు దొరకడం సర్వత్రా ఆశ్చర్యాన్ని కలిగిస్తోంది.
తమ మృతశిశవును ఈ శ్మశానవాటికలో ఖననం చేసేందుకు వెళ్లిన ఈ దంపతులు కొందరు కార్మికులకు అక్కడ ఉన్న స్థలాన్ని తవ్వుతుండగా ఈ పెట్టె దొరికింది. ఈ పెట్టెను తెరిచిచూస్తే ఇంకా ప్రాణంతో ఉన్న పసిగుడ్డు అందులో కనిపించింది. వెంటనే ఆ బాలికకు పాలు పట్టారు. ప్రస్తుతం బరేళిలోని ఓ స్థానిక ఆసుపత్రిలో ఆ చిన్నారి చికిత్స పొందుతోంది. ఈ దంపతులు తమ మృతశిశువును ఖననం చేయడానికి కొందరు కార్మికులతో రావడం, ఖననం కోసం గొయ్యి తవ్వాలని వారిని కోరడంతో తమకు పెట్టెలో లభించిన ఈ అపర సీతాదేవిని చూసి మురిసిపోతున్నారు. తవ్వుతున్న సమయంలోనే ఆ పెట్టెలో చిన్నారి ఏడుపు కూడా ఆ కార్మికులకు వినిపించింది. వెంటనే దానిని బయటకు తీసి తెరచి చూస్తే సజీవంగా ఉన్న పాప కనిపించింది. కేవలం మూడు రోజుల వయసు కలిగిన ఈ పాప ఒంటిపై చిన్న బట్ట మాత్రమే ఉందని ఈ దంపతులు తెలిపారు. ఎప్పుడైతే ఈ పాప కనిపించిందో పోలీసులకు తెలియజేశామని, ఒక పాల ప్యాకెట్ తెప్పించి పాలు పట్టించామని వారు తెలిపారు. కాగా, ఈ చిన్నారి ఆరోగ్యాన్ని వైద్యులు నిరంతరం పర్యవేక్షిస్తున్నారు. హైపోథెరిమియాతో ఈ చిన్నారి బాధపడుతోందని, వెంటనే ఆసుపత్రికి తీసుకురావడం వల్ల ఆరోగ్యం మెరుగవుతోందని వైద్యులు తెలిపారు. ఆసుపత్రి సిబ్బంది కూడా ఈ మూడు రోజుల శిశువుకు సీత అని పేరు పెట్టారు. అయితే, ఈ చిన్నారి ఒక కిలో బరువు మాత్రమే ఉందని, సాధారణంగా రెండున్నర నుంచి 3 కిలోల బరువు ఉంటేనే పసిపిల్లలు ఆరోగ్యంగా ఉన్నట్టు అని వైద్యులు తెలిపారు. రెండు మూడు రోజుల క్రితమే ఈ చిన్నారి జన్మించి ఉంటుందని, ఆమెను ఓ పెట్టెలో పెట్టి, మూడు అడుగుల లోతులో పాతేసి ఉంటారని పోలీసులు చెబుతున్నారు. అయితే, దీని పక్కనున్న మరో ప్రాంతాన్ని తవ్వడం వల్ల ఈ చిన్నారిని ఉంచిన పెట్టె కొంతమేర దెబ్బతిందని వారు వెల్లడించారు.
*చిత్రాలు.. బయటపడ్డ పెట్టె *ఆసుపత్రిలో చికిత్స
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.