జాతీయ వార్తలు
వినూత్న సవాళ్లకు దీటైన జవాబు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 15: తూర్పు, పశ్చిమ సరిహద్దుల్లో ఎదురవుతున్న సవాళ్లను సైనిక దళాలు బలంగా ఎదుర్కొంటున్నాయని ఆర్మీ చీఫ్ బిపిన్ రావత్ అన్నారు. అత్యంత సంక్లిష్టమైన సవాళ్లను సైతం దళాలు దీటుగా ఎదుర్కొన్నాయంటూ ఆయన ప్రశంసించారు. ఆర్మీ ఉన్నత కమాండర్ల సమావేశంలో మాట్లాడిన ఆయన ఆధీనరేఖ ప్రాంతంలో పాకిస్తాన్ సరిహద్దు కార్యాచరణ దళాల దాడులను భారత సైన్యం తిప్పికొట్టిందని, అలాగే జమ్మూకాశ్మీర్‌లోనూ ఉగ్రవాద కార్యకలాపాలను కఠినంగా అణచివేయగలిగిందని రావత్ అన్నారు. ఈనెల 14 నుంచి 19వరకు జరుగుతున్న ఆర్మీ కమాండర్ల సమావేశంలో కాశ్మీర్ సహా అనేక రీతుల్లో ఎదురవుతున్న సవాళ్లను సమీక్షించడంతోపాటు వాటిని ఏవిధంగా ఎదుర్కోవాలన్న దానిపై నిర్ణయం తీసుకుంటారు. అలాగే, ఎప్పటికప్పుడు కొత్త రూపంలో ఎదురవుతున్న సంక్లిష్ట పరిస్థితులను సైతం గట్టిగా ఎదుర్కొనేందుకు దీటైన వ్యూహాత్మక ప్రణాళికను కూడా ఈ సందర్భంగా రూపొందిస్తారు. నిర్ణీత కాలవ్యవధిలో ఈ సవాళ్లన్నింటినీ తిప్పికొట్టే రీతిలో ప్రణాళిక రూపకల్పన జరుగుతోందని అధికార వర్గాలు వెల్లడించాయి. భారత సైనిక దళాలు వినూత్న రీతిలోనే తమ కార్యదక్షతను ప్రదర్శిస్తున్నాయని ఆర్మీ చీఫ్ ఈ సందర్భంగా వెల్లడించారు. ఆర్మీలోని అన్ని స్థాయిల్లోని సైనికులు కూడా అత్యంత కార్యదక్షతతో పాకిస్తాన్ కార్యకలాపాలను తిప్పికొడుతున్నాయని తెలిపారు. అలాగే, జాతీయ భద్రతకు సంబంధించిన అనేక కేసులను కూడా జాతీయ దర్యాప్తు సంస్థ (ఎన్‌ఐఏ) అత్యంత క్రియాశీలకంగా వ్యవహరిస్తోందని ఆయన అన్నారు. సైనిక దళాలు, దర్యాప్తు ఏజన్సీలు సమన్వయంతో పనిచేయడం వల్లే ఇది సాధ్యమవుతోందని రావత్ తెలిపారు.
*చిత్రం... మాజీ రాష్ట్రపతి అబ్దుల్ కలామ్ జయంతి సందర్భంగా మంగళవారం ఢిల్లీలోని డీఆర్‌డీఓ భవన్‌లో నివాళులు అర్పిస్తున్న ఆర్మీ చీఫ్ రావత్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.