జాతీయ వార్తలు
యూపీలో భారీ వర్షాలు : జనజీవనం అస్తవ్యస్తం
S ,7 à 8 RSCA (si SASPAS) et 6 cialis pharmacie cialis rapports de stage.
లక్నో, సెప్టెంబర్ 18: గత నాలుగు రోజులుగా కురుస్తున్న వర్షాలకు ఉత్తరప్రదేశ్‌లో గంగ, యమునా నదులు పొంగి ప్రవహిస్తున్నాయి. పలు ప్రాంతాలకు రాకపోకలు స్తంభించాయి. జనజీవనం అస్తవ్యస్తమైంది. ముఖ్యంగా వారణాసి, అలహాబాద్ జిల్లాల్లో వర్షం తీవ్రత ఎక్కువగా ఉండడంతో ముఖ్యమంత్రి ఆదిత్యనాథ్ అధికారులను అప్రమత్తం చేశారు. గంగ, యమునా నదులు ప్రమాద స్థాయిని మించి ప్రవహిస్తున్నాయి. వరద ప్రాంతాల్లో అవసరమైన చర్యలు తీసుకోవాలని, అప్రమత్తంగా ఉండాలని ప్రభుత్వం అధికారులను ఆదేశించింది. యమునా నది పొంగి పొర్లుతుండడంతో బుందేల్‌ఖండ్ రీజియన్‌తో పాటు హమీర్‌పూర్, బందా, చిత్రకూట్ జిల్లాల్లో పలు ప్రాంతాలు నీటి ముంపునకు గురయ్యాయి. యమునతో పాటు కెన్, బెట్వా నదులు కూడా పొంగి ప్రవహిస్తుండడంతో వేలాది ఎకరాల్లోని పంటలు నీటమునిగాయి. నాలుగు రోజులుగా విస్తారంగా కురుస్తున్న వర్షాలకు పలు ప్రాంతాల్లో జనజీవనం స్తంభించిందని బందా జిల్లా మెజిస్ట్రేట్ హిరాలాల్ స్పష్టం చేశారు. అనేక గ్రామాలు జలదిగ్బంధంలో చిక్కుకొన్నాయి. రహదారులు సైతం తెగిపోయాయి. లోతట్టు ప్రాంతాల్లోని ప్రజలను సురక్షిత ప్రాంతాలకు తరలించారు. వరద ప్రాంతాల్లో ముఖ్యమంత్రి ఆదిత్యనాథ్ ఏరియల్ సర్వే నిర్వహించారు. అనేక వంతెనల పరిరక్షణకు అవసరమైన చర్యలు తీసుకోవాలని నీటిపారుదల శాఖ అధికారులకు సీఎం సూచించారు. భారీ వర్షాలకు రాష్ట్రంలో ఇంతవరకు అధికారిక లెక్కల ప్రకారం 14మంది మరణించినట్లు తెలుస్తోంది. మృతుల కుటుంబాలకు నాలుగు లక్షల రూపాయిల చొప్పున పరిహారం ఇవ్వనున్నట్లు సీఎం ప్రకటించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.