జాతీయ వార్తలు
సమభావన పెరగాలి
S ,7 à 8 RSCA (si SASPAS) et 6 cialis pharmacie cialis rapports de stage.
‘దీవాలీ మిలన్’లో మోదీ ఉద్ఘాటన
న్యూఢిల్లీ, నవంబర్ 28: సమాజంలో వివక్షను రూపుమాపి ప్రజల్లో సమభావాన్ని పెంపొందించాల్సిన ఆవశ్యకత ఎంతో ఉందని ప్రధాన మంత్రి నరేంద్ర మోదీ ఉద్ఘాటించారు. న్యూఢిల్లీలోని బిజెపి ప్రధాన కార్యాలయంలో శనివారం ఆయన పాత్రికేయులతో కలసి ‘దీవాలీ మిలన్’ కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ, భారతీయ పండుగలు సమాజానికి ఎప్పుడూ కొత్త స్ఫూర్తిని ఇస్తుంటాయని కొనియాడారు. ‘మన సమాజంలో పండుగలకు ఎంతో ప్రాధాన్యం ఉంది. అవి ఎల్లప్పుడూ సమాజానికి కొత్త ఉత్సాహాన్ని, శక్తిని, స్ఫూర్తిని అందజేస్తుంటాయి. సామాజికంగా, ఆర్థికంగా మన పండుగలకు గల విశిష్టతను విశే్లషించగలిగితే ఎన్నో కథలు పుట్టుకు వస్తాయి. ఉదాహరణకు పవిత్రమైన గంగానది ఒడ్డున జరిగే కుంభ మేళానే తీసుకుంటే అసంఖ్యాక భక్తులతో జనసంద్రాన్ని తలపించే ఈ ఉత్సవం ఏకంగా ఒక చిన్న దేశానే్న తలపిస్తుంది’ అని ఆయన అన్నారు. ప్రసంగాన్ని ముగించిన తర్వాత మోదీ వేదిక నుంచి దిగివచ్చి పాత్రికేయులతో కరచాలనం చేశారు. ఈ సందర్భంగా కొంతమంది పాత్రికేయులు ప్రధానితో కలసి సెల్ఫీలు తీసుకున్నారు. మోదీ గత ఏడాది కూడా పాత్రికేయులతో కలసి ‘దీవాలీ మిలన్’లో పాల్గొన్న విషయం తెలిసిందే. బిజీ షెడ్యూలు కారణంగా ఈ ఏడాదికార్యక్రమం కాస్త ఆలస్యమైందని, ప్రస్తుతం ఈ కార్యక్రమాన్ని నిర్వహించకుండా ఉంటే క్రిస్మస్ పండుగ వరకు వేచి ఉండాల్సి వచ్చేదని మోదీ తెలిపారు. ఈ కార్యక్రమంలో బిజెపి అధ్యక్షుడు అమిత్ షా కూడా పాల్గొన్నారు. (చిత్రం) ‘దీవాలీ మిలన్’లో ప్రధానితో కలసి సెల్ఫీలు తీసుకుంటున్న పాత్రికేయులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.