అమృత వర్షిణి
ఏకబిగిన పది నెలలు... ( అవిశ్రాంతంగా ఎగిరే స్విఫ్ట్)
S ,7 à 8 RSCA (si SASPAS) et 6 cialis pharmacie cialis rapports de stage.
మనిషి ఏకధాటిగా ఎన్ని గంటలు పని చేయగలడు? సాధారణంగా అయితే ఎనిమిది గంటలు. పట్టుదలగా, చేయాలని చేస్తే మరికొన్ని గంటలు. ఇక జంతువులు ఎన్ని గంటల పాటు తిండి, నిద్ర లేకుండా ఉండగలవు? మహా అయితే ఒకటి రెండు రోజులు. అంత కంటే మరింత ఎక్కువ సమయం అయితే వాటి శరీరం తట్టుకోలేదు. కానీ యూరప్‌కి చెందిన ఒక పక్షి అయితే ఏకంగా పది నెలల పాటు భూమీద వాలకుండా ఎగురుతూనే ఉంటుంది. ఆశ్చర్యంగా అనిపించినా ఇది నిజం. స్విఫ్ట్ పేరు గల ఆ పక్షి జీవనశైలి ఎంతో వినూత్నంగా ఉంటుందని స్వీడన్‌కి చెందిన లండ్ యూనివర్శిటీకి చెందిన పరిశోధక బృందం సభ్యుడు యాండర్స్ హెడెన్‌స్టార్మ్ చెబుతున్నాడు. అతి సూక్ష్మమైన గాడ్జెట్స్‌ని 13 స్విఫ్ట్ పక్షుల శరీరాలకు అనుసంధానం చేసి వాటిని విడిచిపెట్టారు పరిశోధకులు. ఆ గాడ్జెట్స్ ద్వారా ఆ పక్షులు ఏ వైపు ఎగురుతున్నదీ, ఎంత ఎత్తులో ఎగురుతున్నదీ, ఎక్కడైనా దిగుతున్నాయా? లేదా? అనే విషయాలను పరిశోధకులు ఎప్పటికప్పుడు తెలుసుకుంటూనే ఉన్నారు. ఈ పరిశోధనలో ఆశ్చర్యకరమైన అనేక కొత్త సంగతులు తెలిసాయి. అతి చిన్నవైన స్విఫ్ట్ పక్షులు ఒకసారి పైకి ఎగిరితే అవి అలా ఎగురుతూనే ఉంటాయి. స్విఫ్ట్ పక్షులు గాలిలో ఎగురుతుండగానే వాటి రెక్కల్లోని ఈకలు కొత్తవి మొలవడం కూడా గుర్తించారు. ఇవి భూమి నుండి తొమ్మిది వేల అడుగుల ఎత్తులో ఎగురుతూ ఆ ఎత్తులోనే వేల కిలోమీటర్ల మేర దూరాలు ప్రయాణిస్తాయి. ఇవి గంటకి 112 కిలోమీటర్లు వెళ్లిపోగలవు. చైనా దేశస్థులు గత నాలుగు వందల సంవత్సరాల నుండి స్విఫ్ట్ పక్షుల మాంసాన్ని ఇష్టంగా తింటూనే ఉన్నారు. ఆరు నుండి తొమ్మిది అంగుళాల పరిమాణంలో ఉండే ఈ పక్షుల రెక్కలు విచ్చుకుంటే అవి పదహారు అంగుళాల వరకు ఉంటాయి. చిలీ, అర్జెంటినా, న్యూజిలాండ్‌తో పాటు మరికొన్ని దేశాల్లో కూడా కనిపించే స్విఫ్ట్ పక్షులు మన దేశంలోని కేరళకి చెందిన తట్టెకాడ్ అనే ప్రాంతంలోనూ అరుదుగా కనిపిస్తాయని తెలుస్తోంది. అడవుల్లోని ఎత్తయిన చెట్లు, శిథిల భవనాల్లోని ఇరుకైన గదుల మూలల్లో ఇవి గూళ్లు కట్టుకుని నివసిస్తాయి. ఇవి ఒక తడవకి మూడు గుడ్లు పెట్టి పొదుగుతాయి. ఇవి సుదీర్ఘంగా ఎగురుతూనే నిద్రపోగలవు.
Related Articles
‘‘కారేరాజులు రాజ్యముల్ గలుగవే, గర్వోన్నతిం బొందరే, వారేరీ, సిరిమూట గట్టుకుని పోవం జాలిరే, భూమిపై బేరేన గలదే, శిబి ప్రముఖులుం బ్రీతిక్ యశః కాములై రుూరే కోర్కులు వారలన్ మరచిరే యిక్కాలమున్ భార్గవా?’’
సాధారణంగా ఏ వ్యాపారంలో దిగాలన్నా దిగేవారికి అందులో కొంత మక్కువ ఉండాలి. అనుభవముండాలి. అభిరుచి కూడా తోడవ్వాలి. అన్నీ కలిసిరావాలి. ఇష్టం లేని వ్యాపారం ఎవ్వరూ చేయరు. చేయలేరు కూడా. తలకుమించిన అప్పు, తెలిసీ తెలియని వ్యాపారం కొంపముంచుతాయి.
పదిమందీ మెచ్చే సంగీతానికి ఎలాంటి ప్రమాణాలుండాలి? లక్షలాది మంది వినే భాష ఎలా ఉండాలి? దృశ్య ప్రధానమైన నాటకాలు ప్రసారం చేసే శ్రవ్య మాధ్యమానికి అనువుగా సంభాషణలు ఎలా ఉండాలనే విషయాలను నిర్ధారించే కలిగే సాధికారమైన వేదిక, ఆకాశవాణి.
సకల చరాచర సృష్టిలో అత్యుత్తమమైనది మానవజన్మ అని అందరూ భావించే మాటే. 84 లక్షల జీవరాశినీ సృష్టించే విధాత సంకల్పమేమిటో ప్రణాళిక ఏమిటో ఓ పట్టాన అంతుపట్టదు. పంచభూతాల సంగమంతో ఏర్పడ్డ జగత్తులో ఆనందప్రాప్తి కోసమే ప్రతీ ప్రాణీ పరితపిస్తుంది.
వేదికపై కంటికి నిండుగా కనిపించే సంగీత వాద్యం వీణ.
సంగీత భాషలో వినబడే గమకాల పుట్టుకంతా ఈ వీణలోనే. ప్రస్ఫుటంగా గమకాలన్నీ తేలికగా ఈ వాద్యంలోనే పలికించవచ్చు. గాత్రాన్ని పోలిన వాద్యం నాదస్వరం.
సంగీతమూర్తి త్రయంలో వీణతో కనిపించే వాగ్గేయకారుడు ముత్తుస్వామి దీక్షితులు.