రాష్ట్రీయం
ఉనికిలేని పార్టీకి ఉత్తరకుమారుడు
S ,7 à 8 RSCA (si SASPAS) et 6 cialis pharmacie cialis rapports de stage.
రఘువీరాపై ధ్వజమెత్తిన * ఏపి టిడిపి చీఫ్ కిమిడి కళావెంకటరావు
శ్రీకాకుళం, డిసెంబర్ 6: టిడిపి చేపట్టిన జన చైతన్య యాత్రలు ఉనికి కోసమే అంటూ ఎపిసిసి అధ్యక్షుడు రఘువీరా రెడ్డి చేసిన వ్యాఖ్యలు అసలు ఉనికే లేని కాంగ్రెస్ పార్టీకి ఉత్తరకుమారుడిని గుర్తు చేస్తున్నాయని ఎపిటిడిపి అధ్యక్షుడు కిమిడి కళా వెంకటరావు విమర్శించారు. లోటుబడ్జెట్‌లో గల రాష్ట్రాన్ని ప్రగతి పథంలో నడిపించేందుకు ముఖ్యమంత్రి మరిన్ని పథకాలు ప్రారంభించేలా జనచైతన్య యాత్రలకు శ్రీకారం చుట్టారన్నారు. రాష్ట్రాన్ని అంధకారంలోకి కాంగ్రెస్ నెట్టేసిందని, అందువల్ల గత ఎన్నికల్లో ఉనికి కోల్పోయిందని, ఇటువంటి పార్టీకి ఉత్తరకుమారుడి సారధ్యం వహిస్తున్న రఘువీరారెడ్డి టిడిపిని విమర్శించడానికి అర్హుడు కాదన్నారు. ఆదివారం జిల్లాలోని తమ్మినాయుడుపేటలో నిర్వహించిన జనచైతన్యయాత్రలో పాల్గొన్న ఆయన విలేఖరులతో మాట్లాడారు. హేతుబద్దంగా రాష్ట్రాన్ని విభజించిన కాంగ్రెస్ నేతలకు చంద్రబాబునాయుడును విమర్శించే హక్కు లేదన్నారు. జనచైతన్య యాత్రలతో ప్రజల సమస్యలను తెలుసుకుని మరిన్ని కొత్త పథకాలు ప్రారంభించేలా ఈ కార్యక్రమాన్ని తిరుపతి వేదికగా బాబు రూపకల్పన చేశారన్నారు. జనవరి 1 నుంచి నిర్వహించనున్న జన్మభూమిలో అర్హులందరికీ రేషన్ కార్డులు పంపిణీ చేస్తామన్నారు. సంక్షేమం - అభివృద్ధి అనే అజెండాతో ఈ యాత్రలు మంత్రులు, ఎమ్మెల్యేలు, కార్యకర్తలు గ్రామాల్లో సాగిస్తున్నారని చెప్పారు.
రాష్టవ్య్రాప్తంగా రోజుకు 1100 గ్రామాల్లో ఈ యాత్రలను నిర్వహించి, ఈ సందర్భంగా స్వీకరించే ప్రజాసమస్యలను సైతం కేంద్రపార్టీ కార్యాలయంలో ఆన్‌లైన్ ప్రక్రియ ద్వారా నమోదు చేసే బాధ్యతను పార్టీ జనరల్ సెక్రటరీ లోకేష్ నిర్వహిస్తున్నారన్నారు. బిజెపి నేతలతో ఇప్పటికే చర్చలు జరిపామని, అభిప్రాయబేధాలు తలెత్తకుండా సమన్వయంతో ఆ కేడర్‌కు ప్రభుత్వ కార్యక్రమాల్లో కీలక బాధ్యతలు అప్పగిస్తామని చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.