అంతర్జాతీయం
ఐసిస్‌ను నాశనం చేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
అమెరికా ప్రజలకు ఒబామా అభయం
వాషింగ్టన్, డిసెంబర్ 7: కాలిఫోర్నియాలో కాల్పుల ఘటనతో వణికిపోతున్న అమెరికా ప్రజలకు ఆ దేశ అధ్యక్షుడు బరాక్ ఒబామా అభయమిచ్చారు. ప్రపంచ వ్యాప్తంగా పెను సవాళ్లు విసురుతున్న ఇస్లామిక్ స్టేట్ (ఐసిస్) ఉగ్రవాద గ్రూపున సర్వనాశనం చేస్తామని ఆయన ప్రతిజ్ఞ చేశారు. అమెరికాతో పాటు వివిధ దేశాల్లో ప్రజల ఆలోచనలను ‘విషపూరితం’ చేస్తున్న ఉగ్రవాదం ‘సరికొత్త దశ’కు చేరుకుందని, అయినా ఈ ముప్పును అమెరికా సమర్థవంతంగా అధిగమించగలదని ఆయన ప్రకటించారు. అమెరికా అధ్యక్ష భవనం ‘వైట్ హౌస్’లోని ఓవల్ కార్యాలయం నుంచి ఆయన సోమవారం జాతిని ఉద్దేశించి చేసిన అరుదైన ప్రసంగంలో ఈ విషయాలను స్పష్టం చేశారు. అమెరికాతో పాటు ప్రపంచంలోని చాలా దేశాలు ఉగ్రవాద ముప్పును ఎదుర్కొంటున్న మాట నిజమేనని, అయినా దీనిని అమెరికా అధిగమించగలదని ఒబామా పేర్కొన్నారు. అయితే సిరియా, ఇరాక్‌లను కేంద్రంగా చేసుకుని మారణహోమాలకు తెగబడుతున్న ఐసిస్ నరహంతక మూకలను ఓడించేందుకు భారీమొత్తంలో సాయుధ బలగాలను తరలించే విషయాన్ని ఆయన తోసిపుచ్చారు. ఐసిస్ ఉగ్రవాద సంస్థను నాశనం చేసేందుకు వ్యూహం సిద్ధమైందని, అమెరికా సైనిక కమాండర్లు, తీవ్రవాద నిరోధక విభాగానికి చెందిన నిపుణులు రూపొందించిన ఈ వ్యూహాన్ని ఐసిస్‌కు వ్యతిరేకంగా అమెరికా నేతృత్వంలో పనిచేస్తున్న సంకీర్ణ కూటమిలోని 65 దేశాలు బలపరిచాయని ఒబామా తెలిపారు. ‘ఐఎస్‌ఐఎల్ (ఐసిస్ ఉగ్రవాద సంస్థకు ఇది మరో పేరు)తో పాటు అమెరికాకు హాని తలపెట్టాలని ప్రయత్నించే ఎటువంటి ఉగ్రవాద సంస్థనైనా సర్వనాశనం చేస్తాం’ అని ఆయన తేల్చిచెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.