అంతర్జాతీయం
గాంధీజీ బోధనలు నేటికీ అనుసరణీయం
S ,7 à 8 RSCA (si SASPAS) et 6 cialis pharmacie cialis rapports de stage.
పోర్ట్ మోరెస్‌బి, ఏప్రిల్ 29: అసహనం, తీవ్రవాదం జాడ్యాలతో సతమతమవుతున్న ప్రపంచానికి నేటికీ మహాత్మాగాంధీ బోధనల ఆవశ్యకత ఎంతయినా ఉందని రాష్టప్రతి ప్రణబ్ ముఖర్జీ అన్నారు. భారత జాతిపిత మహాత్మాగాంధీ బోధించిన శాంతియుత సహజీవనం, పరస్పర గౌరవం వంటి నిజమైన విలువలు నేటికీ అనుసరణీయమని ఆయన అంతర్జాతీయ సమాజానికి గుర్తుచేశారు. శుక్రవారం ఇక్కడ యూనివర్శిటి ఆఫ్ పపువా న్యూ గునియా (పిఎన్‌జి) విద్యార్థులు, అధ్యాపకులను ఉద్దేశించి ప్రణబ్ ముఖర్జీ మాట్లాడుతూ గాంధీజీ సమానత్వం కోసం కలిసి పనిచేయాల్సిన అవసరాన్ని, ప్రజలందరి వ్యక్తిగత స్వేచ్ఛ గురించి బోధించారని తెలిపారు. శాంతి శిఖరం, అహింసా సిద్ధాంతాన్ని ప్రవచించి ఆచరించిన మహాత్మాగాంధీ ప్రపంచ వ్యాప్తంగా ఆరాధనీయుడని ఆయన అన్నారు. గాంధీజీ జీవితం, ఆయన ఇచ్చిన సందేశం.. సత్యం, విశ్వమానవ సౌభ్రాతృత్వానికి స్ఫూర్తిదాయకమైన ఉదాహరణ అని ప్రణబ్ ముఖర్జీ అన్నారు. పిఎన్‌జిని సందర్శించిన తొలి భారత రాష్టప్రతి ప్రణబ్ ముఖర్జీయే. తన ఈ పర్యటన చరిత్రాత్మకమైనదని ప్రణబ్ ముఖర్జీ పేర్కొన్నారు. 1997లో ఈ యూనివర్శిటి క్యాంపస్‌లో నెలకొల్పిన గాంధీజీ విగ్రహం వద్ద తొలుత రాష్టప్రతి నివాళి అర్పించారు. నేర్చుకోవడానికి- నిజమైన విద్యకు, జ్ఞానానికి- నిజమైన వివేకానికి, అక్షరాస్యతకు- జీవితం నుంచి నేర్చుకునే నిజమైన పాఠాలకు మధ్య తేడాలను గాంధీజీ నొక్కి చెప్పారని ఆయ న వివరించారు. భారత్‌లో తాము జాతీయ ప్రణాళికలు, మానవ వనరుల అభివృద్ధి కార్యక్రమాల ద్వారా విద్యారంగంలో లక్ష్యాలను సాధించేందుకు ఈ సూత్రాలను అవలంబించడానికి ప్రయత్నించామని ప్రణబ్ ముఖర్జీ తెలిపారు. పసిఫిక్ మహాసముద్ర ద్వీపకల్ప దేశాలతో తనకున్న సన్నిహిత స్నేహసంబంధాలకు భారత్ అత్యంత విలువ ఇస్తుందని ఆయన అన్నారు. భారతదేశ ‘యాక్ట్ ఈస్ట్’ విధానంలో పిఎన్‌జికి కీలక పాత్ర ఉందని ఆయన పేర్కొన్నారు. పసిఫిక్ మహాసముద్ర ద్వీపకల్ప దేశాలతో సన్నిహిత సహకారానికి పిఎన్‌జిని సింహద్వారంగా అభివర్ణించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.