అంతర్జాతీయం
అంగారక గుట్టు విప్పుతున్న ఇన్‌సైట్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్: అంగారక గ్రహాన్ని మరింత లోతుగా అధ్యయనం చేయడంలో అమెరికా అంతరిక్ష పరిశోధనా సంస్థ (నాసా)కు చెందిన ఇన్‌సైట్ ల్యాండర్ ఎప్పటికప్పుడు పురోగతి సాధిస్తోంది.
2018 నవంబర్‌లో అంగారక గ్రహంపై దిగిన ఈ ల్యాండర్ ఈ అరుణ గ్రహానికి సంబంధించి ఎన్నో రహస్యాలను వెలుగులోకి తెచ్చింది. అక్కడి వాతావరణం, స్థితిగతులు, ఉపరితలంపై సంభవించే ఉత్పాతాలు, వివిధ రకాల ధ్వనులను కూడా ఈ ల్యాండర్ పసిగట్టి నాసా శాస్తవ్రేత్తలకు అందించిందని తాజాగా జరిగిన ఓ అధ్యయనంలో వెల్లడైంది. అంగారక గ్రహంపై రోజువారీగా పీడన, ఉష్ణోగ్రత తారతమ్యాలు ఈ భూమి మీద కంటే కూడా చాలా ఎక్కువగానే ఉంటాయని ఈ అధ్యయన నివేదిక తెలిపింది. అలాగే, అక్కడి వాతావరణం అతి త్వరగా వేడెక్కి, అతి త్వరగా చల్లబడిపోతుందని తెలిపింది. భూమి మీద కంటే కూడా చాలా త్వరితగతినే ఈ రకమైన పరిస్థితులు అంగారకుడిపై చోటుచేసుకుంటాయని వెల్లడించింది. ముఖ్యం గా అక్కడ సంభవించే దుమ్ము, ధూళి తుపానులు ఈ గ్రహ వాతావరణంలో ఎప్పటికప్పుడు విస్తృత మార్పులు తీసుకువస్తాయని తెలిపింది. ఇన్‌సైట్ ల్యాండర్‌లో ఏర్పాటు చేసిన అనేక పరికరాలు ఈ గ్రహ అయస్కాంత శక్తిని కూడా ఎప్పటికప్పుడు అంచనా వేస్తున్నాయని, అలాగే దీని ఉష్ణోగ్రత గురించి కూడా వివరాలు అందిస్తున్నాయని అధ్యయన నిపుణులు తెలిపారు. ఈ గ్రహంపై తరంగాలకు సంబంధించి కూడా ల్యాండర్ ఎన్నో వివరాలు అందించిందని, వీటిని అధ్యయనం చేయడం ద్వారా దీని ఆనుపానులను మరింత లోతుగా తెలుసుకునే ప్రయత్నం చేస్తున్నామని శాస్తవ్రేత్తలు తెలిపారు. అలాగే, ఇక్కడ సంభవించే ధ్వనులకు సంబంధించి మిస్టరీని ఛేదించాల్సి ఉందని వెల్లడించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.