అంతర్జాతీయం
వరద నీటిలో మునిగిన జకార్తా
S ,7 à 8 RSCA (si SASPAS) et 6 cialis pharmacie cialis rapports de stage.
జకార్తా: ఇండోనేసియా రాజధాని జకార్తా నగర ప్రజలకు నూతన సంవత్సర ఆరంభ దినం ఎనలేని కష్టాలనే మోసుకొచ్చింది. కుండపోత వర్షాలు కురియడంతో నగరంలో గతంలో ఎన్నడూ లేని రీతిలో వరదలు ముంచెత్తి తొమ్మిది మంది మృతి చెందారు. బుధవారం నాడు ఏకధారగా కురిసిన వర్షాల కారణంగా 30 మిలియన్ల మంది నివసిస్తున్న గ్రేటర్ జకార్తా నగరంలోని అనేక కాలనీలలో పెద్ద ఎత్తున వరదనీరు చేరుకొని విద్యుత్ సరఫరా నిలిచిపోయింది. నగరంలోని కొన్ని రైలు మార్గాలను, ఒక విమానాశ్రయాన్ని కూడా అధికారులు మూసివేశారు. విద్యుత్ షాక్‌తో ఒక 16 ఏళ్ల బాలుడు మృతి చెందాడని, అల్పశరీరోష్ణత కారణంగా మరో ముగ్గురు మృత్యువాత పడ్డారని జకార్తా డిజాస్టర్ మేనేజ్‌మెంట్ ఏజెన్సీ అధిపతి సుబెజో తెలిపారు. వరదలు తగ్గుముఖం పడతాయని, అయితే వర్షాలు ఇలాగే కొనసాగితే మాత్రం వరద నీరు తగ్గబోదని ఆయన పేర్కొన్నారు. ఒక నది పొంగి ప్రవహించడం వల్ల తమ ఇంటిలో నాలుగు మీటర్ల (13 అడుగుల) ఎత్తున వరద నీరు నిలిచిపోయిందని ఒక బాధితుడు చెప్పాడు. ఒక వ్యక్తి వరద నీటిలో మునిగిపోయి మృతి చెందాడు. జకార్తా నగర శివార్లలో మంగళవారం సాయంత్రం కుండపోత వర్షాల కారణంగా కొండచరియలు విరిగి పడి నలుగురు మృతి చెందారు. విద్యుదాఘాతాలను నివారించడానికి అనేక ప్రాంతాలలో విద్యుత్ సరఫరాను నిలిపివేసినట్టు అధికారులు చెప్పారు. ప్రస్తుతం ప్రజల భద్రతకు తొలి ప్రాధాన్యం ఇస్తున్నామని వారు పేర్కొన్నారు. 13వేల మంది ప్రజలను వరద ప్రాంతాల నుంచి సురక్షిత ప్రాంతాలకు తరలించినట్టు వారు చెప్పారు.
'చిత్రం... జకార్తా (ఇండోనేషియా)లో భారీ వరదల కారణంగా మునిగిపోయిన ప్రాంతాల్లో ప్రజలను సురక్షిత ప్రదేశాలకు తరలిస్తున్న భద్రతా సిబ్బంది
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.