అంతర్జాతీయం
ఉరికి ముందే ముషారఫ్ మరణిస్తే.. శవాన్నయనా వేలాడతీయాలి
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్:పాకిస్తాన్ మాజీ నియంత పర్వెజ్ ముషారఫ్‌కు మరణ శిక్ష విధిస్తూ ప్రత్యేక కోర్టు వెలువరించిన తీర్పునకు సంబంధించిన వివరాలు గురువారం వెలుగు చూశాయి. ఈ తీర్పులో ప్రత్యేక కోర్టు 176పేజీల తీర్పు పాఠంలో చాలా తీవ్రమైన పదజాలానే్న ముషారఫ్‌పై ప్రయోగించింది. మరణ శిక్ష అమలులోగానే ముషారఫ్ మరణిస్తే ఆయన భౌతిక కాయాన్ని ఇస్లామాబాద్‌లోని సెంట్రల్ స్కేర్‌కు ఈడ్చుకొచ్చి మూడు రోజుల పాటు వేలాడదీయాలని త్రిసభ్య న్యాయమూర్తుల బెంచ్ తెలిపింది. పెషావర్ హైకోర్టు ప్రధాన న్యాయమూర్తి వాకర్ అహ్మద్ సేఠ్ ఈ తీర్పు రాశారు. దోషిపై దాఖలైన ప్రతి అభియోగానికి సంబంధించి అతడ్ని ఉరితీయాలని సేఠ్ పేర్కొన్నారు. శిక్ష అమలులోగా ముషారఫ్ మరణించినా సరే..అతడి శవాన్నయినా ఈడ్చుకొచ్చి ఇస్లామాబాద్‌లోని డి చౌక్ వద్ద మూడు రోజుల పాటు వేలాడదీయాలన్నారు. అధ్యక్ష భవనం, పార్లమెంట్, ప్రధాన మంత్రి కార్యాలయం, సుప్రీం కోర్టు భవనాలు ఇక్కడే ఉండటం గమనార్హం. ఈ త్రిసభ్య బెంచిలో సేఠ్, లాహోర్ హైకోర్టుకు చెందిన షాహిద్ కరీంలు ముషారఫ్‌కు విధించిన మరణ శిక్షను బలపరిస్తే సింధ్ హైకోర్టుకు చెందిన నాజర్ కరీం విభేదించారు. మరణించినా ముషారఫ్ శవాన్ని ఈడ్చుకొచ్చి మూడు రోజుల పాటు వేలాడదీయాలన్న అంశంపై జస్టీస్ కరీం కూడా విభేదించారు. ఇందుకు చట్టంలో ఎలాంటి ఏర్పాటు లేదని, ఇలా కోర్టు తీర్పునివ్వడం ఈ కోర్టు పరిధికే విరుద్ధమని అన్నారు. దోషికి మరణ శిక్ష అమలు చేస్తే సరిపోతుందన్నది తన అభిప్రాయమని కరీం తెలిపారు. ప్రత్యేక కోర్టు తీర్పు అత్యంత శక్తివంతమైన సైనిక నాయకత్వానికి తీవ్ర ఆగ్రహం కలిగించింది. ఈ తీర్పు మానవ,మత, నాగరిక విలువలకే విరుద్ధమని వ్యాఖ్యానించింది. ముఖ్యంగా తీర్పు పాఠంలో ఉపయోగించిన పదజాలం మానవత్వ విలువల్నే హరించేదిగా ఉందని సైనక ప్రతినిధి మేజర్ జనరల్ అసిఫ్ గఫూర్ అన్నారు. ముషారఫ్‌కు మరణ శిక్ష విధించడంపై ఆర్మీ చీఫ్ కమర్ జావెద్ బజ్వా, ప్రధాని ఇమ్రాన్ ఖాన్ విస్తృతంగా చర్చించారని, ఈ సమావేశంలో తీసుకున్న కీలక నిర్ణయాల్ని త్వరలోనే ప్రకటిస్తామని చెప్పారు. ముషారఫ్ పట్ల కొందరు వ్యక్తులకు ఉన్న ద్వేషానే్న ఈ తీర్పు ప్రతిబింబిస్తోందని గఫూర్ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.