అంతర్జాతీయం
మానవ హక్కులకు ఉగ్రవాదమే ముప్పు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, నవంబర్ 16: మానవ హక్కులకు, పౌర స్వేచ్ఛకు ఉగ్రవాదం, ఛాందసవాద తీవ్రవాదం కన్నా మించిన పెద్ద ముప్పు మరోటి లేదని కాశ్మీరీ పండిట్లకు ప్రాతినిధ్యం వహిస్తున్న ఒక అమెరికా సంస్థ యూఎస్ కాంగ్రెస్ కమిటీకి తెలియజేసింది. రాజకీయంగా ప్రేరేపితమయిన వాంగ్మూలాల వల్ల తప్పుదారి పట్టొద్దని సూచించింది. టామ్ లాంటస్ హ్యూమన్ రైట్స్ కమిషన్ రికార్డు చేయడానికి ఇచ్చిన ఒక ప్రకటనలో కాశ్మీరీ ఓవర్సీస్ అసోసియేషన్ (కేఓఏ) ఈ అభిప్రాయాన్ని వ్యక్తం చేసింది. గత 30 ఏళ్లుగా మానవ హక్కుల విషయంలో వౌన బాధితులుగా ఉన్న తమ కమ్యూనిటీ సభ్యులను సంప్రదించాలని కమిషన్ భావించకపోవడం పట్ల కేఓఏ అసంతృప్తి వ్యక్తం చేసింది. అమెరికా ప్రతినిధుల సభకు చెందిన డెమొక్రటిక్ పార్టీ ఆధిపత్యం కలిగిన కమిషన్ గురువారం జమ్మూకాశ్మీర్‌లో మానవ హక్కుల పరిస్థితిపై విచారణ జరిపింది. కేఓఏ అధ్యక్షుడు షాకున్ మున్షీ, కార్యదర్శి అమృత కౌర్ ఒక స్టేట్‌మెంట్‌ను కమిషన్‌కు సమర్పించారు. ఈ స్టేట్‌మెంట్‌ను వారు శుక్రవారం పత్రికలకు విడుదల చేశారు. రాజకీయ ప్రేరేపిత వాంగ్మూలాలతో ఈ వేదిక తప్పుదారి పట్టకుండా చూడాలని కమిషన్ సహాధ్యక్షులయిన కాంగ్రెస్ సభ్యులు జేమ్స్ మెక్‌గోవర్న్, క్రిస్ట్ఫర్ స్మిత్‌లను కేఓఏ కోరింది. ‘సీమాంతర ఉగ్రవాదం కారణంగా భారత్ జమ్మూకాశ్మీర్‌లో ఎదుర్కొంటున్న ప్రత్యేక భద్రతా సవాళ్లను కమిషన్ గుర్తించాలి’ అని కేఓఏ సూచించింది. ‘పాకిస్తాన్ భారత్‌కు వ్యతిరేకంగా సీమాంతర ఉగ్రవాదాన్ని పెంచిపోషిస్తున్న తన విధానాన్ని విడనాడాలని కమిషన్ పిలుపునివ్వాలి’ అని కేఓఏ విజ్ఞప్తి చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.