అంతర్జాతీయం
మేము గెలిస్తేనే బ్రెగ్జిట్
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, నవంబర్ 3: వచ్చే నెలలో జరుగనున్న పార్లమెంటు ఎన్నికల్లో అధికార కన్జర్వేటివ్ పార్టీ మెజారిటీ సాధిస్తుందన్న గట్టి నమ్మకం ఏమీ లేదని బ్రిటన్ ప్రధాని బోరిస్ జాన్సన్ అన్నారు. అక్టోబర్ 31 డెడ్‌లైన్‌లోగా బ్రెగ్జిట్ లక్ష్యాన్ని తాను సాధించలేకపోవడాన్ని చింతిస్తున్నానని, ఈ వైఫల్యానికి కారణం పార్లమెంటేనని ఆయన ధ్వజమెత్తారు. వచ్చే నెలలో జరిగే ఎన్నికల్లో తన సారథ్యంలో మళ్లీ కన్జర్వేటివ్ పార్టీ మెజారిటీతో అధికారంలోకి వస్తేనే జనవరి 31లోగా ఐరోపా యూనియన్ నుంచి బ్రిటన్ వైదొలగడం సాధ్యమవుతుందని స్కైన్యూస్‌కు ఇచ్చిన ఇంటర్వ్యూలో జాన్సన్ తెలిపారు. అయితే, ఇప్పటికే ఈ డెడ్‌లైన్ చేయి దాటిపోవడం మాత్రం తీవ్ర విచారక విషయమని పేర్కొన్న ఆయన ఇప్పటికైనా పార్టీ ఎంపీలంతా కలసికట్టుగా ఈ అంశంపై ముందుకు సాగాలని, బ్రెగ్జిట్ లక్ష్యాన్ని సాధించాలని తెలిపారు. మిగతా ఏ పార్టీ అధికారంలోకి వచ్చినా బ్రెగ్జిట్ అంశం ముందుకెళ్లే అవకాశమే ఉండదని, ఈ వాస్తవాన్ని దృష్టిలో పెట్టుకుని వచ్చే ఎన్నికల్లో మెజారిటీ సాధించే దిశగా పార్టీ నేతలు పనిచేయాలని జాన్సన్ అన్నారు. అయితే, అనుకున్న విధంగా అందరూ మెజారిటీ కోసం పనిచేస్తారా అన్నది ప్రశ్నార్థకమేనన్న అభిప్రాయాన్ని కూడా ఆయన వ్యక్తం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.