అంతర్జాతీయం
74మంది దుర్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, అక్టోబర్ 31: పాకిస్తాన్‌లోని పంజాబ్ రాష్ట్రంలో గురువారం ఓ రైల్లో రెండు గ్యాస్ సిలిండర్లు పేలిన ఘోర ప్రమాదంలో 74మంది దుర్మరణం చెందారు. అనేకమందికి తీవ్ర గాయాలయ్యాయి. తేజ్‌గామ్ ఎక్స్‌ప్రెస్ రైలులో గ్యాస్ సిలిండర్లు పేలడంతో భారీ విస్ఫోటనం సంభవించిందని, కరాచీ నుంచి రావల్పిండి వెళ్తుండగా ఈ ప్రమాదం జరిగిందని అధికారులు తెలిపారు. ఓ మత కార్యకమానికి హాజరయ్యేందుకు వెళ్తున్న ఇస్లాం బోధకులు ఈ రైల్లో ఉన్నట్లు తెలుస్తోంది. పేలుడు వల్ల సంభవించిన మంటల్లో ధ్వంసమైన మూడు బోగీల్లోనే మహిళలు, పిల్లలు సహా 200మంది ప్రయాణికులు ఉన్నారని అధికారులు తెలిపారు.
40మందికి పైగా తీవ్రంగా గాయపడ్డారనీ, వీరిలో చాలామంది పరిస్థితి ఆందోళనకరంగా ఉందన్నారు. ప్రమాద కారణంగా సంభవించిన మంటల్లో మూడు బోగీలు పూర్తిగా ధ్వంసమయ్యాయని పాక్ రైల్వే మంత్రి షేక్ రషీద్ ధ్రువీకరించారు. గ్యాస్ సిలిండర్‌తో పాటు స్టవ్ కూడా తెచ్చుకున్న యాత్రికులు అల్పాహారం సిద్ధం చేసుకోవడానికి నిబంధనలకు విరుద్ధంగా దాన్ని వెలిగించారని, దాంతో ఒక్కసారిగా ఆ సిలిండర్ పేలి రైలు వేగానికి మరింతగా మంటలు వ్యాపించాయని తెలిపారు. మంటలు వ్యాపించిన సమయంలో చాలామంది ప్రయాణికులు దూకేయడం వల్లే మరణించారని ఆయన తెలిపారు. మృతులందరూ ఇస్లాం మత ప్రవక్తలేనని, వీరంతా ఓ వార్షిక మత కార్యక్రమంలో పాల్గొనేందుకు లాహోర్ వెళ్తున్నారని తెలిపారు. అల్పాహారం సిద్ధం చేసుకోవడం కోసం రెండు గ్యాస్ స్టవ్‌లను వెలిగించారని, ప్రయాణికుల్లో కొందరివద్ద కిరోసిన్ క్యాన్లు కూడా ఉండటంతో విస్ఫోటన తీవ్రతకు అదికూడా మండి మంటలు తీవ్రమయ్యాయని చెప్పారు. స్టవ్ వెలిగించొద్దని రైల్వే గార్డు వారించడంతో స్టవ్ ఆపేసిన యాత్రికులు అతడు వెళ్లిపోయిన వెంటనే మళ్లీ వెలిగించారని ఆయన చెప్పారు. కాగా గ్యాస్‌తో వెలిగించడం వల్లే ఈ ప్రమాదం జరిగిందంటూ వచ్చిన కథనాలను తబ్లీగీ జమాత్ కార్యాలయ ప్రతినిధి ఖండించారు. షార్ట్ సర్క్యూట్ వల్లే ఈ దుర్ఘటన జరిగిందన్నారు. బుధవారం రాత్రి షార్ట్ సర్క్యూట్ జరిగినట్టు రైల్వే అధికారులకు చెప్పినా వారు పట్టించుకోలేదని స్పష్టం చేశారు. ఈ ప్రమాదం పట్ల పాక్ ప్రధాని ఇమ్రాన్‌ఖాన్ తీవ్ర దిగ్భ్రాంతిని వ్యక్తం చేశారు. మృతుల కుటుంబాలకు సంతాపం తెలిపిన ఆయన గాయపడ్డవారికి ఎలాంటి జాప్యం లేకుండా చికిత్స అందించాలని ఆయన తెలిపారు. మంటలను ఆర్పేందుకు పది అగ్నిమాపక దళాలను రంగంలోక దింపామని, కొన్ని గంటలపాటు శ్రమించిన తర్వాత మంటలు అదుపులోకి వచ్చాయని అధికారులు తెలిపారు.
*చిత్రాలు..పాకిస్తాన్‌లోని పంజాబ్ రాష్ట్రంలో గురువారం తేజ్‌గామ్ ఎక్స్‌ప్రెస్ రైలులో రెండు గ్యాస్ సిలిండర్లు పేలిన ధాటికి కాలిపో యిన బోగీలు.
*క్షతగాత్రులను ఆసుపత్రికి తరలిస్తున్న సహాయక సిబ్బంది. (ఇన్‌సెట్‌లో )
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.