అంతర్జాతీయం
బ్రెగ్జిట్ చర్చలకు గండి!
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, అక్టోబర్ 9: యూరోపియన్ యూనియన్ నుంచి బ్రిటన్ వైదొలగడం (బ్రెగ్జిట్)పై చర్చల ప్రక్రియ అర్ధంతరంగా నిలిచిపోవడానికి రంగం సిద్ధమయింది. బహుశా మంగళవారంతో ఈ చర్చల ప్రక్రియ ఎలాంటి ఫలితం తేలకుండానే ముగిసిపోయే పరిస్థితి ఏర్పడింది. ఇరు వర్గాలు దెబ్బకు దెబ్బ అనే రీతిలో వ్యవహరించడం వల్ల అక్టోబర్ వరకు ఉన్న గడువులోగానే చర్చలు అర్ధంతరంగా నిలిచిపోవడానికి దారితీసే పరిస్థితులు నెలకొని ఉన్నాయి. వచ్చే వారం బ్రస్సెల్స్‌లో కీలకమయిన యూరోపియన్ యూనియన్ శిఖరాగ్ర సదస్సు జరగనుంది. యూ రోపియన్ యూనియన్ నుంచి బ్రిటన్ వైదొలగడానికి కొత్త నిబంధనల కోసం ప్రయత్నించిన బ్రిటన్ ప్రధాన మంత్రి బోరిస్ జాన్సన్ ఈ కీలకమయిన సదస్సు జరగనున్న తరుణంలో జర్మనీ చాన్స్‌లర్ ఏంజిలా మెర్కెల్‌తో మాట్లాడారు. యూరోపియన్ యూనియన్ కౌన్సిల్ ప్రెసిడెంట్ డొనాల్డ్ టస్క్ వైఖరి కలహాలు పెట్టించేదిగా ఉందని ఏంజిలా మెర్కెల్ అభిప్రాయపడినట్టు భావిస్తున్నారు. బ్రిటన్ కథనం ప్రకారం.. దీర్ఘకాలికంగా ఉన్న ఐర్లాండ్ సరిహద్దు సమస్య విషయంలో బ్రిటన్ తన వైఖరి మార్చుకోవాలని మెర్కెల్ డిమాండ్ చేశారు. మెర్కెల్ వైఖరి వల్ల బ్రెగ్జిట్ చర్చలు మధ్యలోనే పూర్తిగా నిలిచిపోయే పరిస్థితి ఏర్పడిందని బ్రిటన్ పేర్కొంది. బ్రిటన్ గత అయిదు దశాబ్దాలుగా యూరోపియన్ యూనియన్‌లో సభ్య దేశంగా ఉంటూ వస్తోంది. అయితే, యూరోపియన్ యూనియన్ నుంచి వైదొలగాలని 2016లో నిర్వహించిన రెఫరెండంలో బ్రిటన్ ప్రజలు తీర్పు ఇచ్చారు. ఈ తీర్పు ప్రకారం యూరోపియన్ యూనియన్ నుంచి వైదొలగడానికి బ్రిటన్ ఇప్పటికే మూడు సంవత్సరాల సమయం తీసుకుంది. అయినప్పటికీ ఇంకా కొలిక్కి రాలేదు. అయితే బ్రెగ్జిట్‌కు ఒప్పందం కుదిరినా, కుదరకపోయినా అక్టోబర్ 31న బ్రిటన్ యూరోపియన్ యూనియన్ నుంచి వైదొలగుతుందని బోరిస్ జాన్సన్ హెచ్చరిస్తూ వస్తున్నారు. అయితే, బ్రిటన్ ప్రధానమంత్రితో జరిగిన చర్చల వివరాలను వెల్లడించడానికి మెర్కెల్ కార్యాలయం నిరాకరించింది. అలాంటి రహస్యమయిన చర్చల వివరాలను వెల్లడించజాలమని పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.