అంతర్జాతీయం
బాగ్దాద్‌లో పగటి పూట కర్ఫ్యూ ఎత్తివేత
S ,7 à 8 RSCA (si SASPAS) et 6 cialis pharmacie cialis rapports de stage.
బాగ్దాద్, అక్టోబర్ 5: ఇరాక్ ప్రభుత్వం శనివారం బాగ్దాద్‌లో పగటి పూట కర్ఫ్యూను ఎత్తివేసింది. అయితే ఆందోళనకారులు ఘోరమైన నిరసనలకు దిగే ప్రమాదం ఉందన్న అనుమానంతో ప్రధాన రహదారులన్నీ మూసి ఉంచింది. గత ఐదు రోజులుగా కర్ఫ్యూ కొనసాగుతున్న సంగతి తెలిసిందే.
బాగ్దాద్‌లో, దక్షిణ ఇరాక్‌లోని పట్టణాల్లో సామూహిక నిరసనల కారణంగా మరణించిన వారి సంఖ్య 73కు పెరిగింది. ఐదు రోజులుగా జరుగుతున్న ఆందోళనలతో మూడు వేలకు పైగా ప్రజలు గాయపడ్డారు. తీవ్రంగా నెలకొన్న నిరుద్యోగ సమస్య, ప్రజలకు సౌకర్యాలు కల్పించడంలో నిర్లిప్తత, అవినీతిని నిర్మూలించలేక పోవడం వంటి పలు అంశాలపై ప్రజలు ఆందోళనలకు దిగారు.
మంగళవారం నుంచి ఇప్పటి వరకు 540 మంది ఆందోళనకారులను అరెస్టు చేయడం జరిగిందని కమిషన్ పేర్కొంది. ఇలాఉండగా ఉదయం 5 గంటల నుంచి పగటి పూట కర్ఫ్యూను ఎత్తివేయాల్సిందిగా ప్రధాని అదెల్ అబ్దుల్ మహది ఆదేశాలు జారీ చేశారు. దీంతో వ్యాపారులు దుకాణాలను తెరిచారు. కూరగాయాలు, ఇతర నిత్యావసర వస్తువులు కొనుగోలు చేసేందుకు ప్రజలు రోడ్లపైకి రావడంతో సందడిగా మారాయి. ఔషధాలు, నిత్యావసర వస్తువులు కొనుగోలు చేసేందుకైనా పగటి పూట కర్ఫ్యూ ఎత్తి వేయడంతో ప్రజలు ఊపిరి పీల్చుకున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.